News May 13, 2024

అల్లూరి: ఓటు వేసేందుకు వెళుతూ మృతి

కొయ్యూరు మండలం కినపర్తికి చెందిన నర్సి శ్రీనివాస్ (35)అనే వ్యక్తి సోమవారం ఓటు వేసేందుకు వెళుతూ మార్గమధ్యంలో గుండెపోటు రావడంతో హఠాత్తుగా మృతి చెందాడు. కినపర్తి నుంచి శరభన్నపాలెం పోలింగ్ కేంద్రం వద్దకు ఓటు వేసేందుకు శ్రీనివాస్ బయలుదేరాడని సర్పంచి శ్రీను, స్థానికులు తెలిపారు. మార్గమధ్యంలో కుప్పకూలిపోవడంతో కుటుంబ సభ్యులు కేడీపేట పీహెచ్‌సీకి తరలించారు. అప్పటికే మృతి చెందినట్లు వైద్యులు తెలిపారు.