News May 16, 2024

తిరుమల ఘాట్ రోడ్డులో చిరుత ప్రత్యక్షం

AP: తిరుమల ఘాట్ రోడ్డులో మళ్లీ చిరుతపులి కనిపించడంతో యాత్రికులు ఆందోళనలో పడ్డారు. తిరుపతి నుంచి తిరుమలకు కారులో వెళ్తున్న భక్తులకు చిరుతపులి సంచరిస్తూ కనిపించింది. శేషాచలం అడవుల్లో చిరుతలు కనిపించడం సాధారణమైనప్పటికీ పాదచారుల మార్గం, ఘాట్ రోడ్లలో వెళ్లే భక్తులు అప్రమత్తంగా ఉండాలని టీటీడీ హెచ్చరించింది. గతేడాది ఆగస్టులో ఆరేళ్ల బాలికపై చిరుతపులి దాడి చేసిన విషయం తెలిసిందే.