News May 18, 2024
ఇవాళ్టి నుంచి సత్యదేవుని కళ్యాణోత్సవాలు
AP: కాకినాడ జిల్లాలోని అన్నవరం శ్రీ వీర వేంకట సత్యనారాయణ స్వామి కళ్యాణోత్సవాలు నేటి నుంచి ఈ నెల 24 వరకు కొనసాగనున్నాయి. ఇవాళ సాయంత్రం అనంతలక్ష్మీ సత్యవతీ దేవి, సత్యదేవుడిని వధూవరులను చేయడంతో ఉత్సవాలు ప్రారంభమవుతాయి. రేపు రాత్రి 9 గంటలకు కళ్యాణోత్సవం జరగనుంది. ఈ కార్యక్రమం తర్వాత 10వేల మంది భక్తులకు ప్రసాదం, అక్షతలు పంపిణీ చేస్తామని ఆలయ ఈవో రామచంద్ర తెలిపారు.
Similar News
News January 10, 2025
విదేశీ పెట్టుబ‌డులు ఆక‌ర్షించేలా వ‌రంగ‌ల్ విమానాశ్ర‌యం: సీఎం
TG: వ‌రంగ‌ల్ మ‌హాన‌గ‌రంగా ఎదగడానికి వీలుగా విమానాశ్ర‌యానికి రూప‌క‌ల్ప‌న చేయాల‌ని అధికారులకు CM రేవంత్ సూచించారు. మామునూరు విమానాశ్ర‌య భూ సేక‌ర‌ణ, ఇత‌ర ప్ర‌ణాళిక‌ల‌పై స‌మీక్షించారు. విదేశీ పెట్టుబ‌డులు ఆక‌ర్షించేలా ఎయిర్‌పోర్ట్ ఉండాల‌ని, ద.కొరియాతో పాటు ప‌లు దేశాలు త‌మ పెట్టుబ‌డుల‌కు విమానాశ్ర‌యాలను ప్రాధాన్యంగా ఎంచుకుంటున్నాయ‌ని వివరించారు. కొచ్చి ఎయిర్‌పోర్ట్‌ను ప‌రిశీలించాల‌ని సూచించారు.
News January 10, 2025
వన్డే సిరీస్.. రాహుల్‌కు రెస్ట్?
ఇంగ్లండ్‌తో వచ్చే నెల నుంచి స్వదేశంలో జరగనున్న వన్డే సిరీస్‌కు భారత బ్యాటర్ కేఎల్ రాహుల్ దూరమవనున్నట్లు సమాచారం. ఈ సిరీస్ నుంచి తనకు రెస్ట్ ఇవ్వాలని కోరినట్లు బీసీసీఐ అధికారి ఒకరు తెలిపారు. BGT ఆడిన రాహుల్ ఛాంపియన్స్ ట్రోఫీకి సన్నద్ధం అయ్యేందుకు తనను వన్డే సిరీస్‌కు పరిగణనలోకి తీసుకోవద్దని చెప్పినట్లు వెల్లడించారు. అయితే CTలో శాంసన్, పంత్ నుంచి రాహుల్‌కు గట్టి పోటీ ఎదురవుతోంది.
News January 10, 2025
‘హైడ్రా’ నిర్ణయం మంచిదే.. కానీ: వెంకయ్య
TG: కనుమరుగవుతున్న చెరువులను పరిరక్షించేందుకు హైడ్రా పేరిట సీఎం రేవంత్ రెడ్డి తీసుకున్న నిర్ణయం మంచిదేనని మాజీ ఉపరాష్ట్రపతి వెంకయ్యనాయుడు అన్నారు. అయితే ప్రభుత్వం అందరినీ సమదృష్టితో చూడాలని సూచించారు. ఆక్రమణల కూల్చివేతలతో నష్టపోయిన పేదలను ఆదుకోవాలన్నారు. దేశం బాగుండటం అంటే మనుషులతో పాటు నదులు, చెరువులు, అడవులు, పశుపక్షాదులు బాగుండాలని వెంకయ్య అన్నారు.