News May 19, 2024
పోస్టింగ్ ఇప్పించాలని AB వెంకటేశ్వరరావు లేఖ
AP: కేంద్ర పరిపాలన ట్రైబ్యునల్ <<13207718>>తీర్పు<<>> ప్రకారం తనకు పోస్టింగ్ ఇప్పించాలని రాష్ట్ర ఎన్నికల ప్రధానాధికారికి సీనియర్ ఐపీఎస్ ఏబీ వెంకటేశ్వరరావు లేఖ రాశారు. తనకు పోస్టింగ్ ఇవ్వడంలో జాప్యం జరుగుతోందని.. ఈ నెల 31న పదవీ విరమణ చేయనున్న తనకు న్యాయం చేయాలని కోరారు. తన సస్పెన్షన్ చెల్లదంటూ CAT ఇటీవల ఇచ్చిన తీర్పు కాపీని అందించారు. ఈ లేఖను CECకి రాష్ట్ర ఎన్నికల ప్రధానాధికారి పంపారు.
Similar News
News December 23, 2024
అల్లు అర్జున్ ఇంటిపై దాడి చేయించింది కాంగ్రెస్సే: బీఆర్ఎస్
TG: అల్లు అర్జున్ ఇంటిపై దాడి చేసిన ముఠాను KTR పంపారని ప్రచారం చేస్తున్న వారిపై BRS మండిపడింది. ‘గూండాలతో అల్లు అర్జున్ ఇంటిపై దాడులు చేయించి కాంగ్రెస్ పార్టీ అడ్డంగా దొరికిపోయింది. ఇప్పుడు ప్రజల దృష్టి మరల్చేందుకు ఫేక్ ఎడిట్లతో ముందుకు వచ్చింది. రేవంత్ సర్కార్ డైవర్షన్ రాజకీయాలతో కాలం గడుపుతోంది. ఫేక్ ఎడిట్లు చేసిన వారిపై చట్టపరమైన చర్యలు తీసుకుంటాం’ అని X వేదికగా హెచ్చరించింది.
News December 23, 2024
KL రాహుల్ రికార్డు సృష్టిస్తాడా?
IND బ్యాటర్ KL రాహుల్‌ను ఓ అరుదైన రికార్డు ఊరిస్తోంది. BGT నాలుగో టెస్టులో సెంచరీ చేస్తే వరుసగా 3 బాక్సింగ్ డే టెస్టుల్లో సెంచరీలు (హ్యాట్రిక్) చేసిన తొలి ప్లేయర్‌గా నిలుస్తారు. గత 2 బాక్సింగ్ డే టెస్టుల్లో (vsసౌతాఫ్రికా 2021, 2023) ఆయన సెంచరీలు చేశారు. అంతకుముందు 2014లో AUSతో బాక్సింగ్ డే టెస్టులో విఫలమయ్యారు. దీంతో ఈనెల 26 నుంచి ప్రారంభమయ్యే టెస్టులో సెంచరీ చేస్తారా అనే దానిపై ఆసక్తి నెలకొంది.
News December 23, 2024
మతం పేరిట జరుగుతున్న దారుణాలకు అదే కారణం: మోహన్ భాగవత్
ప్రపంచవ్యాప్తంగా మతం పేరిట జరుగుతున్న దారుణాలన్నింటికి మతాన్ని సరిగా అర్థం చేసుకోకపోవడమే కారణమని ఆర్ఎస్ఎస్ చీఫ్ మోహన్ భాగవత్ అన్నారు. మతం గురించి సరైన జ్ఞానం, అవగాహన లేకపోవడం వల్లే దారుణాలు జరుగుతున్నాయని ఓ కార్యక్రమంలో వ్యాఖ్యానించారు. ప్రతిదీ ధర్మం ప్రకారమే పనిచేస్తుందని, అందుకే దీనిని “సనాతన్” అని పిలుస్తారని పేర్కొన్నారు. ధర్మం గురించి సరిగ్గా బోధించాల్సిన అవసరం ఉందన్నారు.