News May 20, 2024
యశ్‌కు ₹5 కోట్లు దండగన్నారు: తండ్రి
చెన్నైతో మ్యాచ్‌లో RCBని గెలిపించిన యశ్ దయాల్‌పై ప్రశంసల జల్లు కురుస్తోంది. ఈ క్రమంలోనే గతేడాదిని గుర్తు చేసుకున్న అతడి తండ్రి చంద్రపాల్ భావోద్వేగానికి గురయ్యారు. ‘వేలంలో RCB యశ్‌ను కొనుగోలు చేయడాన్ని చాలా మంది తప్పుబట్టారు. అతడికి ₹5కోట్లు వృథా అన్నారు. ఆ విమర్శలు మమ్మల్ని బాధపెట్టాయి. ఇప్పుడు యశ్ ప్రదర్శన చూసి చాలా మంది ప్రశంసిస్తున్నారు. అభినందనలు తెలుపుతూ అనేక కాల్స్ వస్తున్నాయి’ అని తెలిపారు.
Similar News
News December 24, 2024
ప్రతి రాష్ట్రంలో శ్రీవారి ఆలయం: టీటీడీ
AP: దేశంలోని అన్ని రాష్ట్రాల రాజధానుల్లో వేంకటేశ్వరస్వామి ఆలయం నిర్మిస్తామని TTD EO శ్యామలరావు తెలిపారు. ఇందుకు సంబంధించిన విధివిధానాలను రూపొందిస్తున్నట్లు చెప్పారు. ‘ప్రపంచంలోని పలు దేశాల్లో శ్రీవారి ఆలయాలు నిర్మిస్తాం. సీఎం ఆదేశాల మేరకు ఇందుకు ఓ కమిటీ వేస్తున్నాం. నడక దారిలో వచ్చే భక్తుల కోసం ఆరోగ్య సదుపాయాలు కల్పిస్తాం. TTD సేవలపై భక్తుల నుంచి ఫీడ్‌బ్యాక్ తీసుకుంటాం’ అని పేర్కొన్నారు.
News December 24, 2024
ALERT.. రేపు ఈ జిల్లాల్లో వర్షాలు
బంగాళాఖాతంలో అల్పపీడనం రానున్న 24 గంటల్లో బలహీనపడే అవకాశం ఉందని AP విపత్తుల నిర్వహణ సంస్థ తెలిపింది. దీని ప్రభావంతో రేపు శ్రీకాకుళం, విజయనగరం, మన్యం, అల్లూరి, విశాఖ, అనకాపల్లి, కాకినాడ, కోనసీమ, తూ.గో, నెల్లూరు, తిరుపతి జిల్లాల్లో తేలికపాటి నుంచి మోస్తరు వర్షాలు పడతాయంది. అలాగే ఏలూరు, కృష్ణా, ఎన్టీఆర్, గుంటూరు, బాపట్ల, పల్నాడు, ప్రకాశం, అన్నమయ్య జిల్లాల్లో తేలికపాటి వర్షాలు కురుస్తాయని చెప్పింది.
News December 24, 2024
బడ్జెట్‌పై ఆర్థికవేత్తలతో మోదీ సమాలోచనలు
కేంద్ర బ‌డ్జెట్‌లో పొందుప‌ర‌చాల్సిన అంశాలు, కేటాయింపుల‌పై స‌ల‌హాలు, సూచ‌న‌లు తీసుకొనేందుకు ఆర్థిక‌వేత్త‌లు, భిన్న రంగాల నిపుణుల‌తో ప్ర‌ధాని మోదీ ప్ర‌త్యేకంగా సమావేశ‌మ‌య్యారు. Feb 1న నిర్మలా సీతారామన్ 2025-26 వార్షిక బడ్జెట్‌ను ప్రవేశపెట్టనున్నారు. Niti Aayog Vice-Chairman సుమన్ బేరీ, CEO సుబ్రహ్మణ్యం, Chief Economic Advisor అనంత నాగేశ్వరన్, ఆర్థికవేత్త సుర్జిత్ భల్లా తదితరులు పాల్గొన్నారు.