News May 21, 2024

సిరిసిల్ల: మట్టిపెళ్లలు కూలి మహిళ మృతి

రాజన్న సిరిసిల్ల జిల్లా కోనరావుపేట మండలం వెంకట్రావుపేటలో మంగళవారం ప్రమాదం చోటుచేసుకుంది. ఉపాధిహామీ పనుల్లో భాగంగా గుంతలు తవ్వుతుండగా ఒక్కసారిగా మట్టిపెళ్లలు కూలాయి. ఈ క్రమంలో మారుపాక రాజవ్వ (46)పై పెళ్లలు పడగా ఆమె మృతిచెందారు. మరోముగ్గురికి తీవ్రగాయాలయ్యాయి. వారిని సిరిసిల్ల ఏరియా ఆస్పత్రికి తరలించి చికిత్స అందిస్తున్నారు. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు.