News May 21, 2024
పాపం పంజాబ్.. బ్యాడ్ లక్‌కు బ్రాండ్ అంబాసిడర్..!
ఈ IPL సీజన్‌లో పంజాబ్ కింగ్స్ దారుణ ప్రదర్శన చేసి టోర్నీ నుంచి నిష్క్రమించింది. వరుసగా పదేళ్లపాటు ప్లే ఆఫ్స్‌కు దూరమైన జట్టుగా నిలిచింది. 2014లో ఫైనల్స్‌కు చేరి KKRపై ఓడింది. అప్పటి నుంచి ఆ జట్టు రాత మారడం లేదు. ఈ సీజన్‌లో 5 మ్యాచ్‌లే గెలిచి నాకౌట్ రేసు నుంచి తప్పుకుంది. ఆ జట్టు 5 సార్లు చివరి ఓవర్‌లో ఓడిపోయింది. విజయావకాశాలు తమ వైపు ఉన్న మ్యాచ్‌లు కూడా చేజార్చుకుంది.
Similar News
News January 11, 2025
దారుణం: అథ్లెట్‌పై 60మంది లైంగిక వేధింపులు
కేరళలో దారుణ ఘటన జరిగింది. అథ్లెట్‌గా ఉన్న ఓ బాలిక(18)పై ఐదేళ్ల పాటు 60మందికి పైగా మృగాళ్లు లైంగిక అకృత్యాలకు పాల్పడ్డారు. శిశు సంక్షేమ కమిటీ ముందు ఆమె తాజాగా తన గోడును వెళ్లబోసుకోవడంతో విషయం వెలుగుచూసింది. తనకు 13 ఏళ్ల వయసున్నప్పటి నుంచీ ఇరుగు పొరుగు వ్యక్తులు, కోచ్‌లు, తోటి అథ్లెట్లు లైంగికంగా వేధించారని ఆమె ఫిర్యాదు చేసింది. 40మందిపై పోక్సో కేసులు నమోదు చేసిన పోలీసులు ఐదుగురిని అరెస్ట్ చేశారు.
News January 11, 2025
కార్చిచ్చుపై లాస్ ఏంజిలిస్ ప్రజల ప్రశ్నలు
లాస్ ఏంజిలిస్‌లో కార్చిచ్చు 11మంది మరణానికి, రూ.లక్షల కోట్ల నష్టానికి కారణమైంది. వందల కిలోమీటర్ల దూరంలో ఉన్న మూడు వేర్వేరు ప్రాంతాల్లో ఒకేసారి మంటలు మొదలయ్యాయన్న కుట్ర కోణం సోషల్ మీడియాలో వైరల్ అవుతోంది. దీంతో అక్కడి ప్రజలు ఆందోళన వ్యక్తం చేస్తున్నారు. ఈ దావానలానికి కారణమేంటో కనిపెట్టాలంటూ ప్రభుత్వాన్ని డిమాండ్ చేస్తున్నారు. దీంతో స్వతంత్ర దర్యాప్తు చేయిస్తామని గవర్నర్ గవిన్ వారికి హామీ ఇచ్చారు.
News January 11, 2025
టీమ్ ఇండియాలో చిన్న ఆటగాళ్లను మాత్రమే తప్పిస్తారు: మంజ్రేకర్
టీమ్ ఇండియా సెలక్షన్ విధానాలపై వ్యాఖ్యాత సంజయ్ మంజ్రేకర్ విమర్శలు గుప్పించారు. ‘మన స్టార్ క్రికెటర్లను ఫామ్ లేకపోయినా తప్పించరు. చిన్న ఆటగాళ్లను మాత్రం నిర్దాక్షిణ్యంగా తప్పిస్తారు. ఒకవేళ పెద్ద ఆటగాళ్లను తప్పించినా, ఆ విషయానికి తేనెపూసి గాయమనో, ఆటగాడే తప్పుకున్నాడనో చెబుతారు. ఇది తప్పుడు సందేశాన్ని ఇస్తుంది. సూపర్ స్టార్ కల్చర్‌కి దారి తీస్తుంది. సెలక్టర్లు కఠినంగా వ్యవహరించాలి’ అని పేర్కొన్నారు.