News May 21, 2024
అభిషేక్ శర్మ ఓ అద్భుతం: మైకేల్ వాన్
SRH బ్యాటర్ అభిషేక్ శర్మ ఓ అద్భుతమని ఇంగ్లండ్ మాజీ క్రికెటర్ మైకేల్ వాన్ అన్నారు. ‘టీమ్ ఇండియాలో అతడికి గొప్ప భవిష్యత్ ఉంది. అతడిలోని టెక్నిక్ అమోఘం. యశస్వీ జైస్వాల్‌లాగే మూడు ఫార్మాట్లలో రాణించగలడు. అతడిలో బ్రియాన్ లారా టెక్నిక్, స్టైల్.. యువరాజ్ ఫ్లెక్సిబిలిటీ, విధ్వంసం ఉన్నాయి. అభిషేక్ షాట్లను చూసే కొద్దీ చూడాలనిపిస్తుంది. త్వరలోనే అతడిని భారత జట్టులో చూడొచ్చు’ అని ఆయన పేర్కొన్నారు.
Similar News
News January 15, 2025
ఒక్కరోజులో 5626% పెరిగిన ట్రంప్ కాయిన్!
US ప్రెసిడెంట్‌గా ప్రమాణం చేయబోతున్న డొనాల్డ్ ట్రంప్ పేరుతో ఒక క్రిప్టో కాయిన్ ఉందని తెలుసా! దానిపేరు First Crypto President. కొన్ని రోజుల క్రితం మొదలైన ఈ DTC మార్కెట్ విలువ $141.5M. మొత్తం సప్లై వంద కోట్ల కాయిన్లు. గత 24 గంటల్లో ఇది ఏకంగా 5626% పెరిగింది. $0.0003321 నుంచి $0.01800కు చేరుకుంది. భారత కరెన్సీలో ఇప్పుడు రూ.1.53 పలుకుతోంది. MAGA, WLFI, $POTUS, $DJT సైతం ట్రంప్‌తో సంబంధం ఉన్నవే.
News January 15, 2025
సంక్రాంతి మూవీస్: ఏ సినిమా బాగుంది?
ఈ సారి సంక్రాంతికి ఏకంగా ముగ్గురు స్టార్ హీరోల సినిమాలు విడుదలయ్యాయి. ఈ నెల 10న రామ్ చరణ్ ‘గేమ్ ఛేంజర్’, 12న బాలకృష్ణ ‘డాకు మహారాజ్’, 14న వెంకటేశ్ ‘సంక్రాంతికి వస్తున్నాం’ థియేటర్లలో రిలీజై కలెక్షన్ల వర్షం కురిపిస్తున్నాయి. వేర్వేరు జోనర్లలో ఈ సినిమాలు తెరకెక్కాయి. వీటిలో మీరు ఏ సినిమా చూశారు? ఏ సినిమా బాగుందో కామెంట్ చేయండి?
News January 15, 2025
ఎన్నికల వేళ అరవింద్ కేజ్రీవాల్‌కు BIG షాక్
నామినేషన్లకు ముందు ఢిల్లీ మాజీ CM అరవింద్ కేజ్రీవాల్‌కు షాక్! లిక్కర్ స్కామ్‌లో మనీలాండరింగ్ ఆరోపణలపై ఆయన్ను విచారించేందుకు EDకి కేంద్ర హోంశాఖ అనుమతి ఇచ్చింది. లెఫ్టినెంట్ గవర్నర్ వీకే సక్సేనా ఈ మేరకు ఆదేశాలు జారీ చేశారు. ప్రజాప్రతినిధులను విచారించే ముందు ED అనుమతి తీసుకోవాలని సుప్రీంకోర్టు నవంబర్లో సూచించిన సంగతి తెలిసిందే. కాగా తనపై తప్పుడు ఛార్జిషీటు దాఖలు చేశారని కేజ్రీ ఆరోపిస్తున్నారు.