News May 21, 2024
దేవుడిపై అభ్యంతర వ్యాఖ్యలు.. BJP నేత క్షమాపణ
జగన్నాథుడిపై చేసిన వ్యాఖ్యల విషయంలో తాను బాధపడుతున్నానని బీజేపీ నేత సంబిత్ పాత్ర తెలిపారు. ఈ విషయంలో నోరు జారానని ఒప్పుకొన్న ఆయన క్షమాపణలు చెప్పారు. అందుకు ప్రాయశ్చిత్తంగా 3 రోజులు ఉపవాసం ఉంటానని ప్రకటించారు. పూరీ నుంచి ఎంపీ అభ్యర్థిగా పోటీ చేస్తున్న సంబిత్ ఇటీవల ‘జగన్నాథుడు ప్రధాని నరేంద్ర మోదీకి భక్తుడు’ మాట తూలారు.
Similar News
News December 25, 2024
ఆడపిల్లలకు స్కూటీలు ఏవి రేవంత్?: కవిత
TG: రాష్ట్రంలోని అన్ని వర్గాలను సీఎం రేవంత్ మోసం చేశారని బీఆర్ఎస్ ఎమ్మెల్సీ కల్వకుంట్ల కవిత విమర్శించారు. అధికారంలోకి వచ్చి ఏడాది పూర్తైనా రేషన్ కార్డులు పంపిణీ చేయలేదని మండిపడ్డారు. ‘రైతులు పండించే పంటలకు మద్దతు ధర దక్కడం లేదు. రుణమాఫీ పూర్తిగా చేయలేదు. రైతు భరోసా రాలేదు. క్రిస్మస్ గిఫ్ట్, బతుకమ్మ చీరలు, రంజాన్ తోఫాల ఊసే లేదు. మహిళలకు రూ.2500, ఆడపిల్లలకు స్కూటీలు ఇవ్వలేదు’ ఆమె ఫైర్ అయ్యారు.
News December 25, 2024
వచ్చే నెల 10 నుంచి వైకుంఠ ద్వార దర్శనాలు: TTD
తిరుమల శ్రీవారి వైకుంఠ ద్వార దర్శనాల్ని వచ్చే నెల 10 నుంచి ప్రారంభించనున్నట్లు టీటీడీ ఈవో శ్యామల రావు తెలిపారు. వచ్చే నెల 8న ఉదయం 6 గంటల నుంచి టోకెన్లు జారీ చేయనున్నట్లు వెల్లడించారు. తిరుమల, తిరుపతిలో 9 కేంద్రాల్లో 91 కౌంటర్లు ఏర్పాటు చేశామని పేర్కొన్నారు. ఇక గోవింద మాల భక్తులకు ప్రత్యేకంగా టికెట్లను ఇవ్వడం లేదని ఆయన స్పష్టం చేశారు.
News December 25, 2024
జానీ మాస్టర్‌కు మరో షాక్
కొరియోగ్రాఫర్ జానీ మాస్టర్ కేసులో హైదరాబాద్ నార్సింగ్ పోలీసులు ఛార్జిషీట్ దాఖలు చేశారు. లేడీ కొరియోగ్రాఫర్‌పై లైంగిక దాడులకు పాల్పడ్డట్లు అందులో పేర్కొన్నారు. ఈవెంట్ల పేరుతో ఇతర ప్రాంతాలకు తీసుకెళ్లి ఆమెను వేధించినట్లు నిర్ధారించారు. కాగా జానీ మాస్టర్ ప్రస్తుతం బెయిల్‌పై విడుదలై బయట ఉన్నారు.