News May 24, 2024
మూడో రోజుకు చేరిన ఆరోగ్యశ్రీ ఆస్పత్రుల సమ్మె!
AP: తమకు రూ.1,500 కోట్ల బకాయిలు చెల్లించాలని డిమాండ్ చేస్తూ ఆరోగ్యశ్రీ నెట్‌వర్క్ ఆస్పత్రులు చేస్తున్న సమ్మె మూడో రోజుకు చేరింది. ప్రభుత్వం రూ.203 కోట్లు రిలీజ్ చేసినప్పటికీ యాజమాన్యాలు పట్టు వీడటం లేదు. పూర్తిగా చెల్లించాలని స్పష్టం చేస్తున్నాయి. మరోవైపు వైద్యసేవలకు అంతరాయం కలిగించే ఆస్పత్రులపై చర్యలు తీసుకుంటామని వైద్యశాఖ హెచ్చరించింది. రోగులకు ఇబ్బంది కలకుండా చూడాలని కలెక్టర్లను ఆదేశించింది.
Similar News
News January 16, 2025
కేటీఆర్‌పై ఈడీ ప్రశ్నల వర్షం
TG: ఫార్ములా-ఈ కారు రేస్ కేసులో మాజీ మంత్రి కేటీఆర్ ఈడీ విచారణ కొనసాగుతోంది. సుమారు 4 గంటలుగా ఆయనపై అధికారులు ప్రశ్నల వర్షం కురిపిస్తున్నారు. HMDA ఖాతా నుంచి విదేశీ సంస్థకు నిధుల బదిలీపై ఆరా తీస్తున్నారు. అర్వింద్ కుమార్, BLN రెడ్డి వాంగ్మూలాల ఆధారంగా KTRను క్వశ్చన్ చేస్తున్నట్లు సమాచారం. కాగా మాజీ మంత్రి చెప్పినట్లే తాము చేశామని ఇటీవల ఈడీ విచారణకు హాజరైన అర్వింద్, రెడ్డి చెప్పినట్లు సమాచారం.
News January 16, 2025
ఇంట్లోని ప్లాస్టిక్ వేస్ట్‌ను ఇలా చేయండి: JD
ఇంటి అవసరాల్లో వినియోగించే ప్లాస్టిక్ కవర్లను సులువుగా ఎలా సేకరించవచ్చో CBI మాజీ జేడీ లక్ష్మీనారాయణ తెలిపారు. ‘ప్రతి ఇంట్లో రోజూ నూనె, పాలు, కిరాణా సామగ్రి, షాంపూ, చిప్స్ కవర్లంటూ కనీసం 10 నుంచి 20 ప్లాస్టిక్ కవర్లు యూజ్ చేస్తాం. వాటిని సీసాలో నింపి మూతపెట్టి డస్ట్‌బిన్‌లలో వేసేలా మీ పిల్లలను ప్రోత్సహించండి. ఇలా చేయడం వల్ల పారిశుద్ధ్య కార్మికులకు సులువుగా, జంతువులు తినకుండా ఉంటాయి’ అని తెలిపారు.
News January 16, 2025
మహాకుంభమేళాలో తిరుమల శ్రీనివాసుడికి చక్రస్నానం
ప్రయాగ్‌రాజ్ మహాకుంభమేళాలో తిరుమల ఆలయ అర్చకులు తిరుమంజనం కార్యక్రమాన్ని నిర్వహించారు. దశాశ్వమేధ ఘాట్ వద్ద శ్రీదేవి, భూదేవి సమేత శ్రీ శ్రీనివాసస్వామివారికి స్నపన తిరుమంజన కార్యక్రమం జరిగింది. పాలు, పెరుగు, కొబ్బరినీళ్లు, తేనె, చందనం, పసుపు వంటి సుగంధ ద్రవ్యాలతో అభిషేకం చేశారు. అనంతరం వేద మంత్రోచ్ఛారణల మధ్య గంగానదిలో చక్రస్నాన మహోత్సవం నిర్వహించారు.