News May 25, 2024
ఆరోగ్య శ్రీ సేవలు యథాతథం
AP: ఆరోగ్య శ్రీ నెట్వర్క్ ఆస్పత్రులు దిగివచ్చాయి. సీఎస్ జవహర్ రెడ్డితో జరిపిన చర్చలు సఫలం కావడంతో స్కీమ్ సేవల్ని యథాతథంగా కొనసాగించనున్నట్లు హాస్పిటల్స్ అసోసియేషన్ ప్రకటించింది. మరో రూ.300 కోట్ల నిధుల విడుదలకు సీఎస్ హామీ ఇచ్చినట్లు పేర్కొంది. మొత్తంగా ఈ పథకం కింద సేవలు అందించిన ఆస్పత్రులకు ప్రభుత్వం రూ.1500 కోట్ల బకాయి పడింది. ఇటీవల రూ.203 కోట్లు విడుదల చేసింది.
Similar News
News February 19, 2026
BJPని పీడిస్తున్న కోవర్టులు వెళ్లిపోవాలి: అర్వింద్
TG: రాష్ట్రంలో BJPని 20 ఏళ్లుగా కొందరు కోవర్టులు పట్టి పీడిస్తున్నారని నిజామాబాద్ MP అర్వింద్ వ్యాఖ్యానించారు. అలాంటి వారు వెంటనే పార్టీని వీడి వెళ్లాలని డిమాండ్ చేశారు. తెలంగాణ ఉత్తర భాగంలో పార్టీ పటిష్ఠంగా ఉందని, దక్షిణ ప్రాంతంలోనే మెరుగుపడాల్సి ఉందని పేర్కొన్నారు. ‘ఎవరి వల్ల ఎవరు భూస్థాపితం అయ్యారో కవితకు తెలియదా? కేసుల వల్లే నిజామాబాద్లో BRS కాంగ్రెస్కు మద్దతు ఇచ్చింది’ అని విమర్శించారు.
News February 19, 2026
వంట చేసేటపుడు ఈ తప్పులు చేస్తున్నారా?
ఆరోగ్యంగా ఉండాలంటే వంట చేసే విధానం కూడా ముఖ్యమేనంటున్నారు నిపుణులు. ముఖ్యంగా డీప్ ఫ్రైడ్, ఎయిర్ ఫ్రైయర్లో వంటలు చేస్తున్నప్పుడు అధిక ఉష్ణోగ్రత వద్ద హెటెరోసైక్లిక్ అమైన్, పాలీసైక్లిక్ అరోమాటిక్ హైడ్రోకార్బన్స్, నాన్స్టిక్ పాన్లలో వంట చేయడం వల్ల విషపూరిత పదార్థాలు విడుదలవుతాయంటున్నారు. వీటికి బదులుగా బేకింగ్, రోస్టింగ్, తక్కువమంటపై వండటం వల్ల ఆహారంలో పోషకాలు నశించకుండా ఉంటాయని సూచిస్తున్నారు.
News February 19, 2026
త్వరలో 2,947 పోస్టుల భర్తీ: మంత్రి రవికుమార్
AP: ఈపీడీసీఎల్ పరిధిలో 2,947 ఖాళీ పోస్టులను త్వరలో భర్తీ చేస్తామని మంత్రి రవికుమార్ అసెంబ్లీలో ప్రకటించారు. 581 ఎనర్జీ అసిస్టెంట్లు, 1,260 జూనియర్ లైన్మెన్, 1,084 అసిస్టెంట్ లైన్మెన్, 22 లైన్మెన్ పోస్టులను త్వరలోనే భర్తీ చేస్తామని పేర్కొన్నారు. విద్యుత్ వినియోగదారులకు ఎలాంటి ఇబ్బందులు కలగకుండా 8,770 మంది ఔట్ సోర్సింగ్ సిబ్బందితో విధులను నిర్వహిస్తున్నట్లు మంత్రి తెలిపారు.