News May 25, 2024

పిఠాపురం: రూ.50 నోట్ల ఎర చూపి రూ.6 లక్షల దోపిడి

కాకినాడ జిల్లా పిఠాపురం పట్టణంలోని కొండప్ప వీధికి చెందిన ధాన్యం వ్యాపారి నందిపాటి నారాయణమూర్తి శుక్రవారం SBI నుంచి రూ.6 లక్షల నగదు డ్రా చేసి బైక్‌పై ఇంటికి బయలు దేరారు. సీతయ్యగారితోట వద్దకు వచ్చేసరికి ఇద్దరు వ్యక్తులు వారి వద్ద ఉన్న రూ.50 నోట్లు కింద పడేసి మీ నగదు పడిపోయిందని ఆ వ్యాపారిని నమ్మించారు. ఆయన వద్ద ఉన్న రూ.6 లక్షలు కాజేసి పరారయ్యారు. బాధితుడి ఫిర్యాదుపై పోలీసులు కేసు నమోదు చేశారు.