News May 26, 2024
చరిత్ర సృష్టించిన దీపా కర్మాకర్
భారత జిమ్నాస్ట్ దీపా కర్మాకర్ చరిత్ర సృష్టించారు. ఉజ్బెకిస్థాన్ రాజధానిలో ఆదివారం జరిగిన ఏషియన్ సీనియర్ ఛాంపియన్‌షిప్‌లో మహిళల వాల్ట్ పోటీలో ఆమె స్వర్ణం గెలిచారు. ఈక్రమంలో ఈ ఘనత సాధించిన తొలి భారత వ్యక్తిగా నిలిచారు. ఈ పోటీలో దీప 13.566 సగటును సాధించడం విశేషం. 2016 రియో ఒలింపిక్స్‌లో ఆమె 4వ స్థానంలో నిలిచిన సంగతి తెలిసిందే.
Similar News
News November 14, 2025
దానిమ్మలో బ్యాక్టీరియా మచ్చ తెగులు
దానిమ్మలో బ్యాక్టీరియా మచ్చ తెగులు పంట దిగుబడిని, కాపుకొచ్చిన కాయల నాణ్యతనూ తగ్గిస్తోంది. తెగులుకు కారణమయ్యే బ్యాక్టీరియా.. మొక్క ఆకులు, రెమ్మలు, కాయలపైన మచ్చలు కలగజేస్తుంది. ఈ తెగులుకు గురైన మొక్క ఆకులు రాలిపోవడం, కొమ్మలు విరిగిపోవడం జరుగుతుంది. కాయలపై ముదురు గోధుమ రంగు నుంచి నలుపు రంగు గరుకు మచ్చలు ఏర్పడతాయి. ఈ మచ్చల మధ్యభాగంలో కాయలపై పగుళ్లు ఏర్పడి మార్కెట్‌కు పనికిరాకుండాపోతాయి.
News November 14, 2025
దానిమ్మలో బ్యాక్టీరియా మచ్చ తెగులు నివారణ
తెగులు ఆశించిన కొమ్మలను, కాయలను కత్తిరించి నాశనం చేయాలి లేదా కాల్చివేయాలి. తోటలో చెట్ల పాదుల్లో ఎకరాకు 8-10KGల బ్లీచింగ్ పౌడరును చల్లాలి. మొక్కలలో తెగులు లక్షణాలు కనిపిస్తే లీటరు నీటికి బ్లైటాక్స్ 3గ్రా.+ స్ట్రెప్టోసైక్లిన్ 0.2గ్రా కలిపి మొక్క బాగాలు తడిచేటట్లు స్ప్రే చేయాలి. ఈ మందులు పిచికారీ చేసిన వారం, 10 రోజుల తర్వాత కాసుగామైసిన్ (లీటరు నీటికి 3ml)ను స్ప్రే చేస్తే మంచి ఫలితాలు వస్తాయి.
News November 14, 2025
పరకామణి కేసు ఫిర్యాదుదారు సతీశ్ అనుమానాస్పద మృతి
TTD పరకామణి చోరీ కేసులో ఫిర్యాదుదారు, మాజీ AVSO సతీశ్ అనుమానాస్పదంగా మరణించారు. తాడిపత్రి వద్ద రైల్వేట్రాక్‌పై ఆయన మృతదేహాన్ని గుర్తించారు. సతీశ్ ఫిర్యాదుతో Sr Asst రవికుమార్‌పై 2023 మేలో విజిలెన్సు ఛార్జిషీట్ దాఖలు చేయగా, లోక్‌అదాలత్‌లో రాజీతో ఆయన TTDకి కొన్ని ఆస్తులు అప్పగించారు. దీనిపై పిటిషన్‌ దాఖలు కాగా హైకోర్టు ఆదేశాలతో CID విచారిస్తోంది. కేసులో YCP నేతలపై TDP ఆరోపణలు చేస్తుండడం తెలిసిందే.