News May 31, 2024

విజయవాడను వణికిస్తోన్న డయేరియా

AP: విజయవాడలో డయేరియా విజృంభిస్తోంది. ఇప్పటివరకు అతిసారంతో ఐదుగురు మరణించినట్లు తెలుస్తోంది. కృష్ణా జలాలు కలుషితం కావడంతో మొగల్రాజపురం, సింగ్ నగర్, పాయకాపురం ఏరియాల్లో వంద వరకు డయేరియా కేసులు నమోదయ్యాయి. వాంతులు, విరేచనాలతో బాధితులు తీవ్ర ఇబ్బందులు పడుతున్నారు. అయితే డయేరియాతో ఎలాంటి మరణాలు చోటుచేసుకోలేదని, అవి సహజ మరణాలేనని వైద్యాధికారులు చెబుతున్నారు.