News May 31, 2024
నేటి నుంచి తెరుచుకోనున్న సినిమా థియేటర్లు
ఉమ్మడి ఖమ్మం జిల్లా వ్యాప్తంగా పది రోజులకు పైగా మూతబడి ఉన్న
థియేటర్లు శుక్రవారం తెరుచుకోనున్నాయి. ఈనెల 17 నుంచి సినిమా హాళ్లను మూసి ఉంచుతున్నట్లు తెలంగాణ ఎగ్జిబిటర్స్ అసోసియేషన్ ప్రకటించిన విషయం తెలిసిందే. నాటి నుంచి మూతబడిన హాళ్లను తిరిగి తెరవాలని అసోసియేషన్ గురువారం నిర్ణయించడంతో నేటి నుంచి ఉమ్మడి జిల్లాలోని 30 థియేటర్లలో సినిమాలు ప్రదర్శించనున్నారు.
Similar News
News November 18, 2024
ఖమ్మం ఘటనపై మంత్రి తీవ్ర ఆగ్రహం
ఖమ్మం ప్రభుత్వ మెడికల్ కాలేజీలో ఎంబీబీఎస్ మెుదటి సంవత్సరం విద్యార్థికి Asst ప్రొఫెసర్ గుండు కొట్టించిన విషయం తెలిసిందే. ఈఘటనపై మంత్రి దామోదర రాజనర్సింహ తీవ్ర ఆగ్రహం వ్యక్తం చేశారు. సంఘటన గురించి తెలిసిన వెంటనే ఆయన సంబంధితాధికారులతో టెలీ కాన్ఫరెన్స్ నిర్వహించి.. విచారణ జరిపి బాధ్యులపై కఠిన చర్యలు తీసుకోవాలని అధికారులకు మంత్రి ఆదేశాలు జారీ చేశారు.
News November 18, 2024
రిజర్వేషన్ అమలుపై ప్రభుత్వానికి నివేదిక..!
స్థానిక సంస్థలలో రిజర్వేషన్ అమలు చేసేందుకు వివిధ సంఘాల నుంచి వచ్చిన ప్రతిపాదనలను క్రోడీకరిస్తూ నివేదికను ప్రభుత్వానికి నిర్ణీత సమయంలో సమర్పిస్తామని తెలంగాణ వెనుకబడిన తరగతుల డెడికేషన్ కమీషన్ ఛైర్మన్ బూసాని వేంకటేశ్వర రావు అన్నారు. ఆదివారం ఖమ్మం కలెక్టరేట్ కాన్ఫరెన్స్ హాల్లో స్థానిక సంస్థలలో వెనుకబడిన తరగతుల రిజర్వేషన్ల గుర్తింపును పేర్కొనే అంశంపై ఉమ్మడి జిల్లా పరిధిలో బహిరంగ విచారణ జరిగింది.
News November 17, 2024
కలెక్టర్‌ను తనిఖీ చేసిన పోలీసులు
కొత్తగూడెంలోని సింగరేణి మహిళా డిగ్రీ కాలేజ్, సుజాతనగర్ మండలంలోని వేపలగడ్డ అబ్దుల్ కలాం ఇంజినీరింగ్ కళాశాలో గ్రూప్-3 పరీక్షా కేంద్రాలను జిల్లా కలెక్టర్ జితేష్ పాటిల్ పరిశీలించారు. అక్కడ ఉన్న పోలీసు సిబ్బంది కలెక్టర్‌ను సైతం తనిఖీలు నిర్వహించి లోపలకి అనుమతించారు. పరీక్షలకు ఎలాంటి ఇబ్బంది లేకుండా భారీ బందోబస్తు ఏర్పాటు చేసిన పోలీసులను కలెక్టర్ అభినందించారు.