News June 3, 2024
MBNR: వరుస అరెస్టులతో అధికారుల్లో గుబులు
గొర్రెల పంపిణీ పథకంలో జరిగిన అక్రమాలు ఒక్కొక్కటిగా బయటకు రావటం ఉమ్మడి జిల్లాలో కలకలం రేపుతోంది. ఈ కుంభకోణంలో ACB అధికారులు CEO రాంచందర్ నాయక్‌ను అరెస్ట్ చేయడంతో ఇక్కడి అధికారుల్లో ఆందోళన మొదలైంది. పాలమూరులోని NGKL జిల్లా పశు సంవర్ధక శాఖ అధికారిగా పనిచేసిన అంజిలప్ప, పశుగణాభివృద్ధి సంస్థ MBNR, GDWL జిల్లా ADగా పనిచేసిన ఆదిత్య కేశవసాయి బదిలీపై ఇతర జిల్లాలకు వెళ్లారు. వీరిద్దరిని ACB అరెస్ట్ చేసింది.
Similar News
News January 11, 2025
MBNR: ‘సంక్రాంతికి ఊరికెళ్తున్నారా.? ఇది మీకోసమే.!’
✓ విలువైన వస్తువులు, నగదు, నగలు ఇంట్లో ఉంచకపోవడం మంచిది.✓ ఊరికి వెళ్తున్నాం అంటూ సోషల్ మీడియాలో పోస్ట్‌లు పెట్టకండి.✓ ఇంటి ఆవరణలో లేదా ఏదైనా గదిలో లైటు వేసి ఉంచండి.✓ నమ్మకమైన వ్యక్తిని వాచ్‌మెన్‌గా పెట్టుకోవడం మంచిది.✓ సీసీ కెమెరాలు ఏర్పాటు చేసుకుని వాటికి మొబైల్ అనుసంధానం చేసుకోవాలి.✓ ఇంటితాళం బయటకు కనిపించకుండా చూసుకోండి.✓ ఊరికి వెళ్లేముందు పోలీస్ స్టేషన్‌లో తెలపడం ఉత్తమం.
News January 11, 2025
MBNR: కురుమూర్తి స్వామి గిరి ప్రదక్షిణ.. హాజరైన భక్తులు
కురుమూర్తి స్వామి దేవాలయంలో ఈ ఏడాది నుంచి కొత్తగా గిరి ప్రదక్షిణ కార్యక్రమాన్ని ప్రారంభించారు. ఈ కార్యక్రమానికి ముఖ్య అతిథులుగా దేవరకద్ర, వనపర్తి ఎమ్మెల్యేలు జి.మధుసూదన్ రెడ్డి, తూడి మేఘా రెడ్డి పాల్గొన్నారు. దేవాలయ చరిత్రలో తొలిసారిగా గిరి ప్రదక్షిణ కార్యక్రమాన్ని నిర్వహించినట్లు ఆలయ పూజారులు తెలిపారు. తొలిసారి నిర్వహించిన స్వామి వారి గిరి ప్రదక్షిణలో భక్తులు పెద్ద ఎత్తున పాల్గొన్నారు.
News January 11, 2025
MBNR: కొత్త రేషన్ కార్డులు.. చిగురించిన ఆశలు
సీఎం రేవంత్ రెడ్డి కలెక్టర్లతో ఏర్పాటు చేసిన సమావేశంలో ఈ నెల 26 నుంచి కొత్త రేషన్ కార్డులు జారీ చేయాలని ఆదేశాలు జారీ చేశారు. దీంతో ఎన్నో ఏళ్లుగా కార్డుల కోసం ఎదురుచూస్తున్న లబ్ధిదారుల్లో ఆశలు చిగురించాయి. ఉమ్మడి జిల్లాలో MBNR-30,345, GDWL-13,189, NGKL-28,773, NRPT-9,391, WNP-11,501 కలిపి మొత్తం 93,199 మంది దరఖాస్తులు చేసుకున్నారు. ఉమ్మడి పాలమూరులో మొత్తం 9,26,636 రేషన్ కార్డులు ఉన్నాయి.