News June 6, 2024

హింసాత్మక ఘటనలపై పవన్ స్పందించాలి: బాలినేని

AP: ఎన్నికల్లో అఖండ విజయం సాధించిన పవన్ కళ్యాణ్‌కు మాజీ మంత్రి బాలినేని శ్రీనివాసరెడ్డి Xలో శుభాకాంక్షలు తెలిపారు. ‘హింసాత్మక ఘటనలకు తావులేదని నిన్న మీరిచ్చిన సందేశం హర్షణీయం. మీ వ్యాఖ్యలకు భిన్నంగా, ఒంగోలు చరిత్రలో ఎన్నడూ లేని విధంగా చోటు చేసుకుంటున్న హింస, భౌతిక దాడులు, వేధింపులపై మీరు స్పందించాలి. నా రాజకీయ జీవితంలో ఎప్పుడూ ఇలాంటి ఘటనలు జరగలేదు’ అని రాసుకొచ్చారు.