News June 7, 2024
వన్డే చరిత్రలో స్లోయెస్ట్ ఇన్నింగ్స్.. 174 బంతుల్లో 36 రన్స్!
వన్డే చరిత్రలో స్లోయెస్ట్ ఇన్నింగ్స్ సరిగ్గా ఇదే రోజు 1975లో నమోదైంది. ENGపై గెలిచేందుకు 335 రన్స్ చేయాల్సి ఉండగా.. సునీల్ గవాస్కర్ టెస్ట్ తరహాలో ఆడారు. 174 బంతుల్లో ఒక్క ఫోర్ కొట్టి కేవలం 36 పరుగులు చేశారు. దీంతో భారత్ 60 ఓవర్లలో 133/2 రన్స్ మాత్రమే చేయడంతో ENG 202 పరుగుల తేడాతో గెలిచింది. గవాస్కర్ ఇన్నింగ్స్ కోపం తెప్పించడంతో కొందరు ఫ్యాన్స్ మైదానంలోకి దూసుకొచ్చారు.
Similar News
News November 29, 2024
సుబ్బరాజు భార్య ఎవరో తెలుసా?
నటుడు సుబ్బరాజు పెళ్లి చేసుకున్న ఫొటో పెట్టి అందరిని ఆశ్చర్యానికి గురిచేశారు. ఆయన వివాహం చేసుకున్న అమ్మాయి పేరు స్రవంతి. అమెరికాలోని ఫ్లోరిడాలో డెంటిస్ట్‌గా పనిచేస్తున్నారు. వీరి పెళ్లి అమెరికాలో సింపుల్‌గా జరగగా హైదరాబాద్‌లో రిసెప్షన్ ప్లాన్ చేస్తున్నారని సమాచారం. తమ ప్రయాణం మొదలైందని, విష్ చేసిన వారికి సుబ్బరాజు Xలో ధన్యవాదాలు తెలిపారు.
News November 29, 2024
విరాట్ సరసన నిలిచేది ఎవరో?
BGTలో భారత జట్టు డిసెంబర్ 6 నుంచి ఆస్ట్రేలియాతో రెండో టెస్టు ఆడనుంది. డే అండ్ నైట్ మ్యాచ్ కావడంతో దీనిపై అందరిలో ఆసక్తి నెలకొంది. ఇప్పటివరకు టీమ్ ఇండియా నాలుగు డై అండ్ నైట్ టెస్టులు ఆడగా కేవలం కోహ్లీ మాత్రమే సెంచరీ సాధించారు. 2019లో బంగ్లాతో జరిగిన మ్యాచులో ఆయన 136 పరుగులు చేశారు. ఈ క్రమంలో BGT రెండో టెస్టులో ఏ భారత ఆటగాడు సెంచరీ చేసి కోహ్లీ సరసన నిలుస్తారని భావిస్తున్నారో కామెంట్ చేయండి?
News November 29, 2024
అమిత్ షా నివాసంలో మహాయుతి నేతల భేటీ
మహారాష్ట్ర ముఖ్యమంత్రి విషయంలో ఇంకా సస్పెన్స్ కొనసాగుతోంది. తాజాగా కేంద్ర మంత్రి అమిత్ షా ఇంట్లో మహాయుతి నేతలు దేవేంద్ర ఫడణవీస్, ఏక్‌నాథ్ శిండే, అజిత్ పవార్ సమావేశమయ్యారు. ఈ భేటీకి మరో కేంద్రమంత్రి జేపీ నడ్డా హాజరయ్యారు. దాదాపు అర్ధగంటకు పైగా సమావేశం జరిగినట్లు తెలుస్తోంది. ఇవాళ సీఎం అభ్యర్థి ఎవరనే విషయమై క్లారిటీ వచ్చే అవకాశముంది.