News June 8, 2024
నీట్ ఫలితాలపై దర్యాప్తునకు కమిటీ వేయాలి: KTR
నీట్ ఫలితాల్లో అవకతవకలపై దర్యాప్తు చేయడానికి ఉన్నత స్థాయి నిపుణుల కమిటీని ఏర్పాటు చేయాలని కేంద్రాన్ని KTR డిమాండ్ చేశారు. ’67 మందికి 720/720 వచ్చాయి. పలువురు 718, 719 మార్కులు పొందారు. +4, -1 మార్కుల విధానంలో ఇది సాధ్యం కాదు. ఎన్నికల ఫలితాల రోజునే హడావుడిగా నీట్ ఫలితాల్ని రిలీజ్ చేయడం, గత 5ఏళ్లలో తొలిసారి టాప్-5లో TG విద్యార్థులు లేకపోవడం అనుమానాలకు తావిస్తోంది’ అని పేర్కొన్నారు.
Similar News
News January 30, 2025
2 పరుగులకే 6 వికెట్లు.. శార్దూల్ హ్యాట్రిక్
రంజీ ట్రోఫీలో భాగంగా మేఘాలయతో జరుగుతున్న మ్యాచ్‌లో ముంబై బౌలర్లు అదరగొట్టారు. 2 పరుగులకే 6 వికెట్లు కూల్చేశారు. శార్దూల్ ఠాకూర్ హ్యాట్రిక్ సహా 4, మోహిత్ 2 వికెట్లు పడగొట్టారు. ఐదుగురు బ్యాటర్లు డకౌట్ కాగా, అర్పిత్ సుభాష్ 2 పరుగులు చేశారు. కాగా ఇటీవల జమ్మూకశ్మీర్ చేతిలో ముంబై అనూహ్యంగా ఓడిపోయిన విషయం తెలిసిందే. ఆ మ్యాచ్‌లో శార్దూల్ సెంచరీ చేశారు.
News January 30, 2025
ఉపాధి పనుల్లో ప్రమాదం.. తల్లీకూతురు మృతి
TG: సిద్దిపేట(D) అక్కన్నపేట(M) గోవర్ధనగిరిలో జరుగుతున్న ఉపాధి హామీ పనుల్లో తీవ్ర విషాదం చోటుచేసుకుంది. ప్రమాదవశాత్తు బండరాళ్లు మీద పడి తల్లి, కూతురు చనిపోయారు. మరో ఐదుగురికి తీవ్ర గాయాలయ్యాయి. వీరిని దగ్గరలోని ఆస్పత్రికి తరలించి చికిత్స అందిస్తున్నారు.
News January 30, 2025
1982 నాటి విమాన ప్రమాదాన్ని గుర్తు చేసుకుంటున్నారు!
USలోని వాషింగ్టన్‌లో 60 మంది ప్రయాణికులతో వెళ్తోన్న పీఎస్ఏ ఎయిర్‌లైన్స్‌కు చెందిన విమానం ప్రమాదానికి గురైన విషయం తెలిసిందే. అయితే, గతంలోనూ 1982లో ఈ ప్రమాద స్థలానికి దగ్గరలో జరిగిన ఘటనను అమెరికన్లు గుర్తుచేసుకుంటున్నారు. ప్రతికూల వాతావరణ పరిస్థితుల కారణంతో ఎయిర్ ఫ్లోరిడా విమానం పోటోమాక్ నదిలో కూలడంతో 78 మంది మరణించారు. తాజా ప్రమాదానికి ఇలాంటిదేమైనా కారణమై ఉంటుందా? అని ఆరా తీస్తున్నారు.