News June 9, 2024

హజ్ యాత్రకు సానియా మీర్జా

image

భారత టెన్నిస్ స్టార్ సానియా మీర్జా ఫ్యామిలీతో కలిసి పవిత్ర హజ్ యాత్రకు బయల్దేరారు. దివ్యమైన ఈ అవకాశాన్ని భగవంతుడు తనకు అందించారని పేర్కొంటూ ఆమె ట్వీట్ చేశారు. ‘పవిత్ర హజ్ యాత్రకు వెళ్లే అవకాశం లభించింది. కొత్త అనుభూతికి సిద్ధమవుతున్నా. నేను ఏవైనా తప్పులు చేసుంటే క్షమించాలని కోరుతున్నా. అల్లా నా ప్రార్థనలను ఆలకించి సన్మార్గంలో తీసుకెళ్తారని నమ్ముతున్నా’ అని ఆమె రాసుకొచ్చారు.

Similar News

News January 12, 2025

విటమిన్-డి లభించే ఆహారమిదే..

image

శరీరంలో రోగనిరోధక శక్తి కోసం విటమిన్-డి చాలా అవసరం. ఉరుకుల పరుగుల జీవితంలో ఎండలోకి వెళ్లక కొందరిలో విటమిన్-డి లోపం ఏర్పడుతుంది. అలాంటి వారు విటమిన్-డి లభించే ఆహారం తీసుకోవడం వల్ల దానిని అధిగమించవచ్చు. పుట్ట గొడుగులు, గుడ్డు పచ్చసొన, ఆరెంజ్ జ్యూస్, సాల్మన్ చేప, పాల ఉత్పత్తులు, పొద్దుతిరుగుడు గింజలు, నెయ్యి వంటివి తీసుకుంటే శరీరానికి మేలు చేస్తాయి.

News January 12, 2025

స్టీల్ ప్లాంట్‌ ఉద్యోగులకు వీఆర్ఎస్‌

image

AP: విశాఖ స్టీల్ ప్లాంట్ యాజమాన్యం ఉద్యోగులకు స్వచ్ఛంద విరమణ పథకాన్ని(వీఆర్ఎస్) ప్రకటించింది. వచ్చే ఏడాది జనవరి 1 తర్వాత ఉద్యోగంలో ఉన్నవారికి ఇది వర్తిస్తుందని, ఆలోపు రిటైర్ అయ్యేవారికి కుదరదని తెలిపింది. అర్హత కలిగిన వారు ఈ నెల 15 నుంచి 31 తేదీల మధ్యలో దరఖాస్తు చేసుకోవచ్చని పేర్కొంది. కాగా.. ప్రైవేటీకరణలో భాగంగానే మేనేజ్‌మెంట్ ఈ పథకాన్ని తీసుకొచ్చిందని విశాఖ ఉక్కు పరిరక్షణ కమిటీ ఆరోపించింది.

News January 12, 2025

ఢిల్లీ అసెంబ్లీ ఎన్నికల్లో ఎంఐఎం పోటీ

image

ఢిల్లీలో వచ్చే నెలలో జరిగే అసెంబ్లీ ఎన్నికల్లో మజ్లిస్ పార్టీ బరిలోకి దిగుతోంది. ఢిల్లీలో మొత్తం 70 నియోజకవర్గాలుండగా మైనారిటీ ఓట్లు కీలకంగా ఉన్న 10 నుంచి 12 చోట్ల ఆ పార్టీ పోటీ చేయనున్నట్లు సమాచారం. వీటిలో చాందినీ చౌక్, కార్వాన్ నగర్ వంటి కీలక స్థానాలున్నాయి. ఇప్పటికే రెండు స్థానాల్లో ఆ పార్టీ తమ అభ్యర్థుల్ని ప్రకటించింది. వచ్చే నెల 5న ఎన్నికలు జరగనుండగా, అదే నెల 8న ఫలితాల్ని ప్రకటించనున్నారు.