News June 10, 2024
చంద్రబాబు ప్రమాణ స్వీకారానికి రామ్‌చరణ్?
ఈ నెల 12న ఏపీ సీఎంగా టీడీపీ అధినేత చంద్రబాబు ప్రమాణ స్వీకారం చేయనున్నారు. ఈ కార్యక్రమానికి మెగా పవర్ స్టార్ రామ్ చరణ్ హాజరుకానున్నారట. ఇప్పటికే ప్రభుత్వం నుంచి చెర్రీకి ఆహ్వానం కూడా వెళ్లిందట. విజయవాడ కేసరపల్లి IT పార్క్ సమీపంలో జరిగే కార్యక్రమంలో పాల్గొనేందుకు ఆయన గ్రీన్‌సిగ్నల్ ఇచ్చారట. దీంతో చంద్రబాబు, చెర్రీ ఫొటోలను మెగా ఫ్యాన్స్ సోషల్ మీడియాలో ట్రెండ్ చేస్తున్నారు.
Similar News
News December 22, 2024
అల్లు అర్జున్ ఇంటిపై దాడి.. CM రేవంత్ ట్వీట్
TG: సినీ ప్రముఖుల ఇళ్లపై <<14952214>>దాడి<<>> ఘటనను ఖండిస్తున్నానని సీఎం రేవంత్ రెడ్డి ట్వీట్ చేశారు. ‘శాంతిభద్రతల విషయంలో కఠినంగా వ్యవహరించాల్సిందిగా డీజీపీ, సీపీని ఆదేశిస్తున్నాను. ఈ విషయంలో ఎలాంటి అలసత్వాన్ని సహించేది లేదు. సంధ్య థియేటర్ ఘటనలో సంబంధం లేని పోలీసు సిబ్బంది స్పందించకుండా ఉన్నతాధికారులు జాగ్రత్తలు తీసుకోవాలి’ అని ఆదేశాలు జారీ చేశారు. కాగా, ఈ మధ్యాహ్నం బన్నీ ఇంటిపై పలువురు రాళ్లు విసిరారు.
News December 22, 2024
రేపు ఉదయం 10 గం.కు..
AP: తిరుమల శ్రీవారి భక్తులకు అలర్ట్. రేపు (సోమవారం) పలు దర్శన టికెట్లను టీటీడీ రిలీజ్ చేయనుంది. వచ్చే ఏడాది మార్చి నెల అంగప్రదక్షిణం టోకెన్లు రేపు ఉ.10 గంటలకు ఆన్‌లైన్‌లో ఉంచనుంది. ఎంతో పవిత్రంగా భావించే వైకుంఠ ద్వార దర్శనం (జనవరి 10 నుంచి 19) శ్రీవాణి టికెట్లు రేపు ఉ.11 గం.కు రిలీజ్ చేయనున్నారు.
News December 22, 2024
రేపు కృష్ణా జిల్లాలో పవన్ కళ్యాణ్ పర్యటన
AP: డిప్యూటీ సీఎం పవన్ కళ్యాణ్ రేపు కృష్ణా జిల్లాలో పర్యటిస్తారు. కంకిపాడు మండలం గొడవర్రులో జరుగుతున్న పలు అభివృద్ధి పనులను ఆయన పరిశీలిస్తారు. ఆ తర్వాత మల్లయ్యపాలెంలో పర్యటిస్తారు. కాగా రెండు రోజులపాటు పవన్ మన్యం జిల్లాలో పర్యటించిన విషయం తెలిసిందే. అక్కడ పలు గిరిజన గ్రామాల్లో ఆయన రోడ్ల పనులకు శంకుస్థాపనలు చేశారు.