News June 11, 2024

కర్నూలు: పడిదంపాడు వద్ద కేసీకి గండి

కర్నూలు మండల పరిధిలోని పడిదంపాడు వద్ద కేసీ కాలువకు గండి పడింది. వర్షాలకు వాగులు, వంకలు పొంగి ఉద్ధృతంగా ప్రవహించడంతో కేసీ కాలువలోకి పెద్దఎత్తున నీరు చేరి కట్ట కొంతమేర తెగిపోయింది. నీటి ప్రవాహం కొనసాగుతుండటంతో తాత్కాలిక మరమ్మతులు చేసేందుకు అవకాశం లేకుండా పోయింది. నీటి ప్రవాహం కొంత తగ్గుముఖం పట్టిన వెంటనే మరమ్మతులు చేస్తామని కేసీసీ కర్నూలు డీఈఈ రఘురామిరెడ్డి, ఏఈ చిన్నరాజా తెలిపారు.