News June 12, 2024

VZM: జిల్లాలో బాలుడి దారుణ హత్య

జిల్లాలోని నెల్లిమర్ల మండల కేంద్రమైన కొండపేటలో ఓ బాలుడు దారుణ హత్యకు గురయ్యాడు. సోమవారం మధ్యాహ్నం ఇంటి నుంచి బయటకి వెళ్లిన బాలుడు సమీప కొండ ప్రాంతంలో మంగళవారం విగతజీవిగా పడి ఉన్నాడు. గమనించిన స్థానికులు పోలీసులకు సమాచారం ఇచ్చారు. ఒంటి నిండా గాయాలు ఉండడంతో పోలీసులు హత్యగా నిర్ధారించారు. ఆన్‌లైన్ గేమ్స్ హత్యకు కారణంగా ఎస్.ఐ గణేశ్ తెలిపారు. స్నేహితులను అదుపులోకి తీసుకొని దర్యాప్తు చేస్తున్నామన్నారు.