News June 13, 2024
బాల్య వివాహాల నిర్మూలనకు అస్సాం ప్రభుత్వం కీలక నిర్ణయం
రాష్ట్రంలో బాల్యవివాహాల నిర్మూలనే లక్ష్యంగా అస్సాం ప్రభుత్వం కీలక నిర్ణయం తీసుకుంది. ప్రతి నెలా ఇంటర్ విద్యార్థినుల ఖాతాల్లో రూ.1,000, డిగ్రీలో చేరినవారికి రూ.1,250, పీజీ చేసే వారికి రూ.2,500 అందజేయనుంది. త్వరలోనే ఈ పథకం అమలు చేయాలని నిర్ణయించింది. ప్రతి నెలా 11తేదీ వరకు విద్యార్థుల ఖాతాల్లో డబ్బు జమ అవుతుందని సీఎం హిమంత బిశ్వశర్మ తెలిపారు. ఈ పథకానికి ఏటా ప్రభుత్వం రూ.300 కోట్లు కేటాయించనుంది.
Similar News
News December 24, 2024
అకౌంట్లలోకి రూ.12,000.. ప్రభుత్వం కీలక నిర్ణయం
TG: భూమిలేని వ్యవసాయ కూలీలకు ఏటా ₹12K అందించే పథకంపై ప్రభుత్వం కీలక నిర్ణయం తీసుకుంది. ఉపాధి హామీ పథకాన్ని ఉపయోగించుకున్న వారినే లబ్ధిదారులుగా ఎంపిక చేయనుంది. ఈమేరకు ఫీల్డ్ అసిస్టెంట్ల నుంచి సమాచారాన్ని సేకరిస్తోంది. అయితే ఇప్పటికీ మార్గదర్శకాలు వెల్లడించకపోవడంపై పేదలు ఆందోళన చెందుతున్నారు. తొలి విడతలో ఈ నెల 28న ఖాతాల్లో ₹6K చొప్పున జమ చేస్తామని ప్రభుత్వం ఇప్పటికే ప్రకటించిన విషయం తెలిసిందే.
News December 24, 2024
జాబ్ అప్లికేషన్‌కు 18% GST.. కేంద్రంపై ప్రియాంకా గాంధీ ఫైర్
అగ్నివీర్‌తో సహా ప్రతి ఉద్యోగ నియామక పరీక్షల దరఖాస్తులపై కేంద్రం 18% జీఎస్టీ విధిస్తోందని కాంగ్రెస్ ఎంపీ ప్రియాంకా గాంధీ ట్వీట్ చేశారు. యూపీలోని ఓ క్యాన్సర్ ఇన్‌స్టిట్యూట్‌లో ఉద్యోగాల దరఖాస్తుకు ఫీజు ₹1000 ఉంటే దానిపై జీఎస్టీ ₹180 అని పేర్కొన్నారు. పిల్లల్ని చదివించడం కోసం పేరెంట్స్ రూపాయి రూపాయి కూడబెడితే, ప్రభుత్వం వారి కలల్ని ఇలా ఆదాయ వనరుగా మార్చుకుంటోందని మండిపడ్డారు.
News December 24, 2024
‘మిషన్ భగీరథ’ ఫిర్యాదులకు టోల్ ఫ్రీ నంబర్
TG: మిషన్ భగీరథ నీటి సరఫరాలో సమస్యలపై ఫిర్యాదుల స్వీకరణ కోసం ప్రభుత్వం 18005994007 టోల్ ఫ్రీ నంబర్‌ను అందుబాటులోకి తీసుకొచ్చింది. దీనికి సంబంధించిన కాల్ సెంటర్‌ను HYDలోని మిషన్ భగీరథ హెడ్ ఆఫీసులో నిన్న ప్రారంభించారు. ఈ టోల్ ఫ్రీ నంబర్ 24/7 పనిచేస్తుంది. రాత్రి పూట వచ్చే కాల్స్ రికార్డు అవుతాయి. ఫిర్యాదు స్వీకరించిన 24 గంటల్లో సమస్యను పరిష్కరించేలా చర్యలు తీసుకోనున్నట్లు అధికారులు తెలిపారు.