News June 14, 2024

లోకేశ్ చేతిలో టెక్నాలజీ రంగం

AP: మంత్రి నారా లోకేశ్‌కు మానవ వనరులు, ఐటీ, RTG శాఖను కేటాయించారు. గత టీడీపీ ప్రభుత్వ హయాంలోనూ ఆయన ఐటీ శాఖనే తీసుకుని సమర్థంగా పని చేశారు. మంగళగిరి కేంద్రంగా ఐటీ అనుబంధ సంస్థలు, యువతకు నైపుణ్య శిక్షణా కేంద్రాలను ఏర్పాటు చేశారు. HCL వంటి దిగ్గజ IT సంస్థను APకి తీసుకురావడంలో కీలక పాత్ర పోషించారు. అలాగే చంద్రబాబు మానస పుత్రికగా భావించే రియల్ టైమ్ గవర్నెన్స్ బాధ్యతలను సైతం లోకేశ్‌కు అప్పగించారు.