News June 17, 2024
రేపు అకౌంట్లోకి డబ్బులు
![image](https://d1uy1wopdv0whp.cloudfront.net/newsimages/news_62024/1718582571961-normal-WIFI.webp)
పీఎం కిసాన్ పథకం కింద 17వ విడత సాయాన్ని ఈ నెల 18న కేంద్ర ప్రభుత్వం రైతుల ఖాతాల్లో జమ చేయనుంది. 9.26 కోట్ల మంది రైతుల ఖాతాల్లో దాదాపు రూ.20వేల కోట్లను యూపీ పర్యటనలో భాగంగా బటన్ నొక్కి ప్రధాని మోదీ బదిలీ చేస్తారు. ఈ పథకం కింద ఏటా రూ.6వేలను(3 విడతల్లో.. రూ.2వేలు చొప్పున) రైతులకు పెట్టుబడి సాయం కింద కేంద్రం అందిస్తోంది. ప్రధానిగా ప్రమాణ స్వీకారం చేసిన తొలిరోజే ఈ పెట్టుబడి సాయంపై మోదీ సంతకం చేశారు.
Similar News
News June 29, 2024
ప్రతి ఊరికో మీ సేవా కేంద్రం.. మహిళా సంఘాలకు కేటాయింపు
![image](https://d1uy1wopdv0whp.cloudfront.net/newsimages/news_62024/1719615110519-normal-WIFI.webp)
TG: ప్రతి ఊరిలో మీ సేవా కేంద్రం ఏర్పాటు చేయాలని రాష్ట్ర ప్రభుత్వం నిర్ణయించింది. స్వయం సహాయక సంఘాల మహిళలకు వీటిని కేటాయించనుంది. ఇందుకోసం రూ.2.50 లక్షల రుణాన్ని వారికి అందించనుంది. ఇంటర్ పాసైన మహిళలను మీసేవ ఆపరేటర్లుగా ఎంపిక చేయనుంది. వారికి నెలపాటు శిక్షణ ఇచ్చి ఆగస్టు 15లోగా ప్రారంభించనుంది. గ్రామ పంచాయతీ, అంగన్వాడీ, ప్రభుత్వ పాఠశాల, ఇతర భవనాల్లో ఈ కేంద్రాలను ఏర్పాటు చేయనుంది.
News June 29, 2024
ఫలితాలు చూసి హిమాలయాలకు వెళ్లాలనుకున్న జగన్?
![image](https://d1uy1wopdv0whp.cloudfront.net/newsimages/news_62024/1717648495933-normal-WIFI.webp)
AP: ఎన్నికల ఫలితాలు చూసి హిమాలయాలకు వెళ్లాలనిపించిందని పార్టీ నేతలతో మాజీ CM జగన్ అన్నట్లు తెలిసింది. కానీ 40% ఓట్లు చూసి ఆగిపోయానని వారితో చెప్పినట్లు సమాచారం. ‘ఫలితాల షాక్లోంచి బయటకు రావడానికి నాకు 2, 3 రోజులు పట్టింది. 40 శాతం ఓట్లు అంటే పెద్ద సంఖ్యలో జనం మన వెంటే ఉన్నారు. వారి కోసమైనా నిలబడాలి అనుకున్నా. అందుకే మళ్లీ ప్రజల్లోకి వెళ్లేందుకు సిద్ధమయ్యా’ అని అన్నట్లు వార్తలొస్తున్నాయి.
News June 29, 2024
మరో వెబ్ సిరీస్లో నటించనున్న సమంత?
![image](https://d1uy1wopdv0whp.cloudfront.net/newsimages/news_62024/1719622904272-normal-WIFI.webp)
హీరోయిన్ సమంత మరో వెబ్ సిరీస్లో నటించేందుకు గ్రీన్ సిగ్నల్ ఇచ్చినట్లు తెలుస్తోంది. రాజ్&డీకే తెరకెక్కించనున్న ఈ సిరీస్లో ఆమెతో కలిసి బాలీవుడ్ హీరో ఆదిత్య రాయ్ కపూర్ నటిస్తున్నట్లు సినీవర్గాలు తెలిపాయి. దీనికి ‘రక్తబీజ్’ అనే టైటిల్ పరిశీలనలో ఉన్నట్లు సమాచారం. దీనిపై అధికారిక ప్రకటన రావాల్సి ఉంది. సామ్ నటించిన ‘సిటాడెల్: హనీ బన్నీ’ వెబ్ సిరీస్ త్వరలోనే ప్రేక్షకుల ముందుకు రానుంది.