News June 21, 2024
కేసీఆర్కు దెబ్బ మీద దెబ్బ
TG: లోక్సభ ఎన్నికల్లో ఓటమితో డీలా పడ్డ బీఆర్ఎస్ పార్టీకి మరో దెబ్బ తగిలింది. ఎన్నికలకు ముందు KCRకు అత్యంత సన్నిహితుడు కే.కేశవరావు కాంగ్రెస్లో చేరారు. తాజాగా KCR విధేయుల్లో ఒకరైన పోచారం శ్రీనివాస్ రెడ్డి CM రేవంత్ సమక్షంలో INCలోకి వెళ్లడంతో BRS శ్రేణులు జీర్ణించుకోలేకపోతున్నాయి. పోచారానికి ‘లక్ష్మీపుత్రుడు’ అని పేరు పెట్టిన KCR.. గతంలో ఆయనకు వ్యవసాయశాఖ మంత్రి, అసెంబ్లీ స్పీకర్ పదవులు ఇచ్చారు.
Similar News
News October 8, 2024
విశాఖ స్టీల్ ప్లాంట్కు శాశ్వత పరిష్కారం చూపాలని కోరా: CM
AP: విశాఖ స్టీల్ ప్లాంట్ ప్రైవేటీకరణ కాకుండా ఉన్న మార్గాలన్నీ ఆలోచిస్తున్నామని సీఎం చంద్రబాబు తెలిపారు. స్టీల్ ప్లాంట్ సమస్యను శాశ్వతంగా పరిష్కరించాలని కేంద్రాన్ని కోరానని చెప్పారు. అమరావతికి వరల్డ్ బ్యాంకు నిధులు వచ్చేలా చూడాలని విజ్ఞప్తి చేశానన్నారు. విశాఖ రైల్వే జోన్ పనులకు త్వరలోనే శంకుస్థాపన చేస్తామని పేర్కొన్నారు. గిరిజన వర్సిటీ సాలూరులోనే ఉంటుందని, మార్చే ఉద్దేశం లేదని స్పష్టం చేశారు.
News October 8, 2024
హరియాణా విజయం ప్రజాస్వామ్య విజయం: మోదీ
నవరాత్రి సమయంలో హరియాణాలో గెలవడం శుభసూచకమని PM నరేంద్ర మోదీ అన్నారు. బీజేపీ కేంద్ర కార్యాలయంలో జరిగిన విజయోత్సవ సభలో PM మాట్లాడారు. ‘హరియాణా విజయం ప్రజాస్వామ్య విజయం. కార్యకర్తల కృషితోనే ఇది సాధ్యమైంది. కాంగ్రెస్ తప్పుడు ప్రచారాన్ని ప్రజలు తిరస్కరించారు. జమ్మూ కశ్మీర్లో గెలిచిన కాంగ్రెస్-ఎన్సీ కూటమికి నా అభినందనలు. JKలో మా ఓటింగ్ శాతం పెరగడంతో గర్వంగా ఉంది’ అని ఆయన పేర్కొన్నారు.
News October 8, 2024
ఫ్రీగా గ్యాస్ సిలిండర్ కావాలంటే..
ప్రధానమంత్రి ఉజ్వల యోజన స్కీం ద్వారా కేంద్రం మహిళలకు ఉచితంగా గ్యాస్ కనెక్షన్, ఒక సిలిండర్ అందిస్తోంది. ఇందుకోసం గ్యాస్ డిస్ట్రిబ్యూటర్ దగ్గరకు వెళ్లి ఫామ్ నింపి, రేషన్, ఆధార్, అడ్రస్, ఫొటోలు సమర్పించాలి. లేదంటే https://pmuy.gov.in/లోకి వెళ్లి Apply for New Ujjwala 2.0 Connectionపై క్లిక్ చేసి అప్లై చేసుకోవచ్చు. సదరు మహిళ బీపీఎల్ కుటుంబానికి చెందినవారై ఉండాలి. ఇప్పటికే ఎల్పీజీ కనెక్షన్ ఉండొద్దు.