News June 22, 2024
NTA ఎగ్జామ్ సెంటర్లను ఎలా ఎంచుకుంటుంది?
NEET, UGC NET పరీక్షల నిర్వహణలో అవకతవకలతో NTA వార్తల్లోకెక్కింది. వరుస పేపర్ లీకేజీలు జరగడంతో అసలు NTA ఎగ్జామ్ సెంటర్లను ఎలా ఎంచుకుంటుందనే సందేహం మొదలైంది. ఇందుకోసం గతంలో CBSE, NTAల తరఫున పరీక్షలు నిర్వహించిన ప్రభుత్వ పాఠశాలలతో ఒక లిస్ట్ తయారు చేస్తుంది. మళ్లీ అందులో ఫైనల్ లిస్ట్ తీసి పాఠశాలల అనుమతి కోరుతుంది. మరోసారి బ్యాక్‌గ్రౌండ్ చెక్ చేసి అనుమానాస్పద సెంటర్లను బ్లాక్ లిస్టులో పెడుతుంది.
Similar News
News January 3, 2025
వైసీపీకి 11 సీట్లు.. అందుకే: చింతామోహన్
AP: మాజీ సీఎం జగన్‌పై కేంద్ర మాజీ మంత్రి చింతామోహన్ కీలక వ్యాఖ్యలు చేశారు. జగన్‌పై 11 కేసులున్నాయని, అందుకే వైసీపీకి 11 సీట్లు వచ్చాయని తెలిపారు. ఆయన మీద కేసులు ఎక్కువగా ఉంటే, ఇంకా ఎక్కువ సీట్లు వచ్చేవేమో అని ఎద్దేవా చేశారు. YCPని ప్రజలు పట్టించుకోవడంలేదన్నారు. డబ్బుల కోసం కొందరు కాంగ్రెస్ నేతలు ఇతర పార్టీల్లోకి వెళ్లారని చెప్పారు. ఎస్సీ వర్గీకరణపై సీఎం చంద్రబాబు స్పందించాలని ఆయన కోరారు.
News January 3, 2025
ఆ ఉద్యోగులకు మంత్రి స్ట్రాంగ్ వార్నింగ్
TG: రిజిస్ట్రేషన్ శాఖలో అవినీతిపై మంత్రి పొంగులేటి శ్రీనివాస్ ఫైరయ్యారు. ఈ మేరకు ప్రజల నుంచి ఫిర్యాదు అందుతున్నాయని తెలిపారు. అధికారులు అవినీతికి పాల్పడటం సిగ్గుచేటని వ్యాఖ్యానించారు. తీరు మార్చుకోకపోతే ACBకి వివరాలు పంపిస్తానని, విజిలెన్స్ నివేదికల ఆధారంగా చర్యలు తీసుకుంటామని హెచ్చరించారు. సస్పెండైన వారిని మళ్లీ ఉద్యోగంలోకి రాకుండా చేస్తామన్నారు. అవినీతి సొమ్ము రికవరీ చేయిస్తానని చెప్పారు.
News January 3, 2025
మళ్లీ లాక్డౌన్ రానుందా?
ఐదేళ్ల తర్వాత కరోనా లాంటి మరో మహమ్మారి చైనాను వణికిస్తోంది. శ్వాసకోశ వ్యాధికి సంబంధించిన <<15048897>>HMPV<<>> (హ్యూమన్ మెటాన్యుమోవైరస్) కేసులు వేగంగా పెరుగుతున్నాయి. 2019 DEC31న చైనాలో కరోనా తొలి కేసును గుర్తించగా ఊహించని విధంగా 3 నెలల్లోనే ప్రపంచమంతా వ్యాపించింది. దీన్ని దృష్టిలో పెట్టుకొని ఇప్పటి నుంచే ప్రభుత్వాలు అలర్ట్ అవ్వాలని, లేకపోతే మళ్లీ లాక్డౌన్ రోజులు రావొచ్చని నిపుణులు హెచ్చరిస్తున్నారు.