News June 23, 2024
షారుక్ సినిమాలో సమంత?
షారుక్ ఖాన్ సినిమాలో సమంత నటించనున్నట్లు వార్తలొస్తున్నాయి. ఈ మూవీని రాజ్కుమార్ హిరానీ తెరకెక్కించనున్నట్లు సినీవర్గాలు పేర్కొన్నాయి. యాక్షన్-అడ్వెంచర్-పాట్రియాటిక్ అంశాలు మిళితమైన కథతో ఈ మూవీ రూపొందనున్నట్లు సమాచారం. దీనిపై అధికారిక ప్రకటన రావాల్సి ఉంది. షారుక్-హిరానీ కలిసి చేసిన ‘డంకీ’ గతేడాది విడుదలై మంచి వసూళ్లు సాధించింది. కాగా సమంత ‘ఖుషి’ తర్వాత సినిమాలకు దూరంగా ఉన్న సంగతి తెలిసిందే.
Similar News
News October 9, 2024
వీఐపీల కోసం క్యూలైన్లు ఆపడం లేదు: మంత్రి అనిత
AP: ఇంద్రకీలాద్రిపై సామాన్య భక్తులకు ఎలాంటి ఇబ్బందులు లేకుండా చర్యలు తీసుకుంటున్నామని మంత్రి అనిత తెలిపారు. వీఐపీల కోసం క్యూలైన్లు ఆపడం లేదని స్పష్టం చేశారు. మూడు గంటల్లోనే దర్శనం పూర్తి అవుతోందని సీపీ రాజశేఖర్ బాబు తెలిపారు. మొదటి 2-3 గంటలే భక్తులు కంపార్ట్మెంట్లలో నిరీక్షించారని తెలిపారు. ప్రభుత్వ శాఖలన్నీ సమన్వయంతో పని చేస్తూ భక్తులకు దర్శన ఏర్పాట్లు చేస్తున్నాయన్నారు.
News October 9, 2024
CM రేవంత్రెడ్డిని కలిసిన BRS MLA మల్లారెడ్డి
TG: BRS MLA మల్లారెడ్డి CM రేవంత్రెడ్డిని కలిశారు. తన మనవరాలి వివాహానికి రావాలంటూ రేవంత్కు ఆహ్వానపత్రిక అందజేశారు. అటు మాజీ సీఎం కేసీఆర్, ఏపీ సీఎం చంద్రబాబును సైతం మల్లారెడ్డి ఆహ్వానించారు.
News October 9, 2024
J&K ప్రజలకు కృతజ్ఞతలు: రాహుల్ గాంధీ
జమ్మూకశ్మీర్లో తమ కూటమి సాధించిన గెలుపు రాజ్యాంగ విజయంగా కాంగ్రెస్ ఎంపీ రాహుల్ గాంధీ అభివర్ణించారు. విజయాన్ని అందించిన J&K ప్రజలకు కృతజ్ఞతలు చెప్పారు. హరియాణాలో వచ్చిన ఊహించని ఫలితాలపై విశ్లేషిస్తున్నామని తెలిపారు. అనేక అసెంబ్లీ నియోజకవర్గాల నుంచి ఫిర్యాదులు వస్తున్నాయని, వాటిని ఎన్నికల కమిషన్ దృష్టికి తీసుకెళ్తున్నామని ట్వీట్ చేశారు.