News June 24, 2024

NET దర్యాప్తు కోసం వెళ్లిన CBI బృందంపై దాడి

UGC-NET పేపర్ లీకేజీ కేసును దర్యాప్తు చేసేందుకు బిహార్‌లోని ఓ గ్రామానికి వెళ్లిన సీబీఐ బృందంపై స్థానికులు దాడి చేశారు. మొబైల్ సిగ్నల్స్ ఆధారంగా నిందితులను పట్టుకునేందుకు నలుగురు అధికారులు, ఓ మహిళా కానిస్టేబుల్‌తో కూడిన టీమ్ నవాడ్ సమీపంలోని కాసియాద్ గ్రామానికి వెళ్లింది. వాళ్లు నకిలీ అధికారులంటూ గ్రామస్థులు దాడి చేసి, వాహనాలను ధ్వంసం చేశారు. చివరకు లోకల్ పోలీసుల సాయంతో సీబీఐ అధికారులు బయటపడ్డారు.