News June 24, 2024
Xలో కిరణ్vsజైరామ్ మాటల యుద్ధం
పార్లమెంటరీ వ్యవహారాల మంత్రి కిరణ్ రిజిజు, కాంగ్రెస్ MP జైరామ్ రమేశ్ మధ్య Xలో మాటల యుద్ధం నడుస్తోంది. 18వ లోక్‌సభకు స్వాగతిస్తూ రిజిజు ట్వీట్ చేయగా ‘మాటల కంటే చేతలు గట్టిగా మాట్లాడుతాయి. ఆచరణలో చూపండి’ అని రమేశ్ స్పందించారు. ‘కచ్చితంగా. మీరు తెలివైనవారు. మీరు సహకరించాలి’ అని రిజిజు బదులిచ్చారు. దానికి ‘మీరు నాకిచ్చిన సర్టిఫికెట్ NTA గ్రేడింగ్‌లా ఉండదని ఆశిస్తున్నా’ అని జైరామ్ అన్నారు.
Similar News
News January 10, 2025
భారత క్రికెటర్ నితీశ్ రెడ్డికి ACA సన్మానం
టీమ్ ఇండియా క్రికెటర్ నితీశ్ కుమార్ రెడ్డిని ACA (ఆంధ్ర క్రికెట్ అసోసియేషన్) ఘనంగా సన్మానించింది. బీజీటీ సిరీస్‌లో గొప్పగా ఆడినందుకు ఆయనను అసోసియేషన్ ప్రతినిధులు అభినందించారు. త్వరలో ఏసీఏ ఆయనకు ప్రకటించిన రూ.25 లక్షల చెక్కును అందించనుంది. కాగా బీజీటీలో నితీశ్ 298 పరుగులతో టోర్నీలో నాలుగో టాప్ స్కోరర్‌గా నిలిచిన విషయం తెలిసిందే. బాక్సింగ్ డే టెస్టులో సెంచరీతోనూ చెలరేగారు.
News January 10, 2025
ఏపీ ప్రభుత్వం కీలక ఉత్తర్వులు
ఏపీలో జగనన్న కాలనీల పేర్లను మారుస్తూ రాష్ట్ర ప్రభుత్వం ఉత్తర్వులు జారీ చేసింది. పీఎంఏవై-ఎన్టీఆర్ నగర్‌గా పేరు మారుస్తున్నట్లు ఉత్తర్వుల్లో పేర్కొంది. ఈ పథకం కింద కేంద్ర, రాష్ట్ర ప్రభుత్వాలు తమ వాటా నిధులతో ప్రజలకు ఇళ్ల స్థలాలు, ఇంటి నిర్మాణాలు చేపట్టనున్నట్లు రాష్ట్ర ప్రభుత్వం ఉత్తర్వుల్లో వెల్లడించింది.
News January 10, 2025
26 తర్వాత జిల్లాల్లో పర్యటిస్తా: రేవంత్
TG: అభివృద్ధి, సంక్షేమాన్ని ప్రభుత్వం 2 కళ్లలా భావిస్తోందని CM రేవంత్ వెల్లడించారు. కలెక్టర్లు ఇంకా పనితీరును మెరుగుపరుచుకోవాలని సూచించారు. IAS, IPS అధికారులు నెలలో ఒక్కసారైనా హాస్టల్స్ విజిట్ చేసి రాత్రి బస చేయాలన్నారు. మహిళా అధికారులు బాలికల హాస్టల్స్‌కు వెళ్లి విద్యార్థుల్లో స్ఫూర్తిని నింపాలన్నారు. JAN 26 తర్వాత జిల్లాల్లో పర్యటిస్తానని, నిర్లక్ష్యం కనిపిస్తే కఠిన చర్యలు తప్పవని హెచ్చరించారు.