News June 26, 2024
గంగాధర: బస్సుల్లో రద్దీ.. విద్యార్థుల ఇబ్బందులు
గంగాధర మండలం న్యాలకొండపల్లిలోని ప్రభుత్వ ఆదర్శ పాఠశాలకు ఆర్టీసీ బస్సుల్లో రాకపోకలు సాగించే విద్యార్థులు రద్దీతో ఉక్కిరిబిక్కిరి అవుతున్నారు. గట్టుబూత్కూర్-గర్శకుర్తి రూట్లో గతంలో విద్యార్థుల కోసం రెండు ఆర్టీసీ బస్సులు నడిపేవారు. ప్రస్తుతం ఒకే బస్సు నడిపిస్తుండడంతో దాదాపు 200 మంది విద్యార్థులు ఒకేసారి ప్రయాణించాల్సి వస్తోంది. అదనంగా 2 బస్సులు నడిపించి సమస్య పరిష్కరించాలని కోరుతున్నారు.
Similar News
News July 8, 2024
జగిత్యాల: నోబెల్ బుక్ ఆఫ్ వరల్డ్ రికార్డ్స్లో 5 నెలల చిన్నారికి చోటు
జగిత్యాల జిల్లాకు చెందిన ఓ 5నెలల చిన్నారి నోబెల్ బుక్ ఆఫ్ వరల్డ్ రికార్డ్స్లో చోటు దక్కించుకుంది. కథలాపూర్ మండలానికి చెందిన మహేందర్-మౌనికల కూతురు ఐర(5నెలలు). అయితే ఐరాకు 2 నెలల వయసు నుంచే పలు రకాల వస్తువులు, బొమ్మలు, కార్డులను చూపించి గుర్తుపట్టేలా తండ్రి తీర్ఫీదు ఇచ్చాడు. ఇటీవల ఐరా 135 రకాల ఫ్లాష్ కార్డులను గుర్తు పట్టిన వీడియోను నోబెల్ సంస్థకు ఆన్లైన్లో పంపడంతో.. ధ్రువపత్రం, మెడల్ను పంపారు.
News July 8, 2024
BREAKING.. జగిత్యాల జిల్లాలో హత్య
జగిత్యాల జిల్లాలో దారుణం జరిగింది. మేడిపల్లి మండలం తొంబర్రావుపేటలో భార్యను చంపి భర్త పురుగు మందు తాగి ఆత్మహత్యాయత్నానికి పాల్పడ్డాడు. అనంతరం పోలీసుల ఎదుట లొంగిపోయాడు. ఉపాధికోసం బహ్రెయిన్ వెళ్లి ఆదివారం ఇంటికి వచ్చిన భర్త లింగం.. అనుమానంతోనే భార్యను తలపై కొట్టి చంపేసినట్లు సమాచారం. పూర్తి వివరాలు తెలియాల్సి ఉంది.
News July 8, 2024
JMKT: నేటి నుంచి యథావిధిగా ప్యాసింజర్ రైళ్లు
అసిఫాబాద్ రోడ్ నుంచి రేచిని రోడ్ మధ్య జరుగుతున్న ఇంటర్ లాకింగ్ పనుల వల్ల తాత్కాలికంగా రద్దయిన ప్యాసింజర్ రైళ్లను నేటి నుంచి యథావిధిగా నడపనున్నట్లు అధికారులు ప్రకటించారు. 12757/58 కాగజ్నగర్ సూపర్ ఫాస్ట్ ఎక్స్ప్రెస్, 12733/34 భాగ్యనగర్ ఎక్స్ప్రెస్, 17033/34 సింగరేణి ప్యాసింజర్ రైలు,17003/04 రామగిరి, 07765/66 కరీంనగర్ పుష్పుల్ సోమవారం నుంచి ప్రారంభం కానున్నట్లు పేర్కొన్నారు.