News June 27, 2024
DANGER: నైట్ టైమ్ ఎక్కువగా వెలుగును చూస్తున్నారా?
రాత్రి వేళ వెలుగును ఎక్కువగా చూడటం, వెలుతురులో ఉండటం వల్ల టైప్2 మధుమేహ ముప్పు 67% పెరుగుతుందని శాస్త్రవేత్తలు తేల్చారు. వెలుగు వల్ల మానసిక, శారీరక మార్పులు ఏర్పడి గ్లూకోజ్ మెటబాలిజం దెబ్బతింటుందని సైంటిస్టులు తెలిపారు. ఇది చక్కెర స్థాయులు క్రమబద్ధీకరించే శక్తి తగ్గిపోయేలా చేసి, డయాబెటిస్ రావడానికి దారి తీస్తుందన్నారు. రాత్రి వేళ స్క్రీన్ చూడటం తగ్గించి, రోజూ ఒకే సమయానికి నిద్రపోవాలంటున్నారు.
Similar News
News November 10, 2024
సజ్జల భార్గవ్‌పై ఎస్సీ, ఎస్టీ కేసు నమోదు
AP: వైసీపీ సోషల్ మీడియా ఇన్‌ఛార్జి సజ్జల భార్గవ రెడ్డిపై పులివెందులలో ఎస్సీ, ఎస్టీ కేసు నమోదైంది. సింహాద్రిపురం మండలానికి చెందిన ఓ వ్యక్తి ఇచ్చిన ఫిర్యాదు మేరకు భార్గవ్‌తో పాటు వర్రా రవీందర్ రెడ్డి, అర్జున్ రెడ్డిపై కేసు నమోదు చేశారు. సోషల్ మీడియాలో అసభ్యకర పోస్టులపై ప్రశ్నించడంతో తనను కులం పేరుతో దూషించారని ఫిర్యాదుదారుడు పేర్కొన్నాడు. కాగా ఇప్పటికే ఓ కేసులో వర్రా కోసం పోలీసులు గాలిస్తున్నారు.
News November 10, 2024
సీఎంవోను ముట్టడిస్తాం: వాలంటీర్ల హెచ్చరిక
AP: ఎన్నికల హామీ మేరకు తమను కొనసాగించడంతోపాటు రూ.10వేలకు జీతం పెంచాలని వాలంటీర్లు డిమాండ్ చేస్తున్నారు. హామీ నెరవేర్చకపోతే అమరావతిలోని సీఎం క్యాంపు కార్యాలయాన్ని ముట్టడిస్తామని సీపీఐ అనుబంధ AIYF హెచ్చరించింది. ప్రభుత్వ వ్యవస్థలో వాలంటీర్లు లేరని పవన్ కళ్యాణ్ చెప్పడం సరికాదని సీపీఐ రాష్ట్ర కార్యదర్శి రామకృష్ణ అన్నారు. ఈ విషయంపై త్వరలో సీఎం చంద్రబాబును కలవనున్నట్లు తెలిపారు.
News November 10, 2024
ఎండీ ఆయుర్వేద ప్రవేశాలకు నోటిఫికేషన్
TG: ఎండీ ఆయుర్వేద, హోమియో, యునాని కోర్సుల్లో మొదటి దశ ప్రవేశాలకు కాళోజీ హెల్త్ వర్సిటీ నోటిఫికేషన్ జారీ చేసింది. కన్వీనర్ కోటా సీట్లకు ఇవాళ్టి నుంచి రేపు సా.4 వరకు వెబ్ ఆప్షన్లు ఇచ్చుకోవాలని సూచించింది. అలాగే మెడికల్ పీజీ, డిప్లొమా కోర్సుల్లో మేనేజ్‌మెంట్ కోటా ప్రవేశాలకు షెడ్యూల్ వెలువడింది. ఇవాళ్టి నుంచి దరఖాస్తు చేసుకోవచ్చు.
వెబ్‌సైట్: https://www.knruhs.telangana.gov.in/