News June 27, 2024
నేనూ సోషల్ మీడియా బాధితురాలినే: హోంమంత్రి అనిత
AP: వైసీపీ ప్రభుత్వంలో నిబంధనలు పాటించని అధికారులపై చర్యలు తీసుకోవడానికే రెడ్ బుక్ అని హోంమంత్రి అనిత స్పష్టం చేశారు. వైజాగ్ సీపీ కార్యాలయంలో పోలీసు ఉన్నతాధికారులతో ఆమె సమావేశమయ్యారు. తాను సోషల్ మీడియా బాధితురాలినేనని చెప్పారు. అసభ్య పోస్టులపై చర్యలు తీసుకుంటామన్నారు. వైసీపీ ప్రభుత్వంలో పోలీసు వ్యవస్థను నాశనం చేశారని దుయ్యబట్టారు. కేంద్ర నిధులొచ్చినా పోలీసు అకాడమీ నిర్మాణాలు చేయలేదన్నారు.
Similar News
News March 14, 2025
హోలీ.. రేపు ‘బ్లడ్ మూన్’
రంగుల పండుగ హోలీ వేళ రేపు ఆకాశంలో అద్భుతం చోటు చేసుకోనుంది. సూర్యుడికి చంద్రుడికి మధ్య భూమి అడ్డుగా వచ్చి చంద్రగ్రహణం ఏర్పడనుంది. ఫలితంగా భూమి వాతావరణంలో నుంచి చంద్రుడిపైకి సూర్యకిరణాలు ప్రసరించి జాబిల్లి ఎర్రగా మారనుంది. దీన్నే ‘బ్లడ్ మూన్‌గా పిలుస్తారు. కానీ ఇది భారత్‌లో కనిపించదు. యూరప్ దేశాలతో పాటు సౌత్, నార్త్ అమెరికా, వెస్ట్రన్ ఆఫ్రికా దేశాల్లో బ్లడ్ మూన్ 65 నిమిషాల పాటు కనువిందు చేయనుంది.
News March 14, 2025
నియోజకవర్గాల పునర్విభజనపై పోరుకు సిద్ధం: KTR
TG: నియోజకవర్గాల పునర్విభజనపై TN CM స్టాలిన్ తలపెట్టిన JACతో కలిసి పోరాడుతామని BRS వర్కింగ్ ప్రెసిడెంట్ KTR తెలిపారు. సమావేశానికి రావాల్సిందిగా TN మంత్రి నెహ్రూ, DMK MP ఇలంగో HYD వచ్చి ఆహ్వానించగా ఆయన సానుకూలంగా స్పందించారు. నియోజకవర్గాల పునర్విభజన జరిగితే దక్షిణాది రాష్ట్రాలు నష్టపోతాయన్నారు. 22న జరిగే సమావేశానికి హాజరవుతామని చెప్పారు. ఈ విషయంపై ప్రభుత్వం ఎలా వ్యవహరిస్తుందో చూడాలన్నారు.
News March 13, 2025
ఆమెతో డేటింగ్లో ఉన్నా: స్టార్ హీరో
గౌరీ స్ప్రత్‌తో డేటింగ్లో ఉన్నట్లు బాలీవుడ్ స్టార్ ఆమిర్ ఖాన్ ప్రకటించారు. తన 60వ బర్త్‌డే సందర్భంగా ఈ విషయాన్ని వెల్లడించారు. 25 ఏళ్లుగా గౌరీతో ఫ్రెండ్‌షిప్ చేస్తున్నట్లు వెల్లడించారు. బెంగళూరుకు చెందిన ఆమె ఆమిర్ ప్రొడక్షన్ బ్యానర్‌లో పనిచేస్తున్నారు. గౌరీకి ఆరేళ్ల కొడుకు ఉన్నాడు. 2021లో తన భార్య కిరణ్ రావుతో ఆమిర్ విడాకులు తీసుకున్నారు. అంతకుముందు రీనా దత్తాను పెళ్లి చేసుకొని విడిపోయారు.