News June 28, 2024
నల్గొండ ఎస్పీని కలిసిన ట్రాన్స్ జెండర్స్
నల్గొండ జిల్లా ఎస్పీ శరద్ చంద్ర పవార్‌ను ట్రాన్స్ జెండర్స్ కలిశారు. అనంతరం ఆ సంఘం జిల్లా అధ్యక్షురాలు నందిని మాట్లాడారు. ‘నల్గొండలోని శ్రీనగర్ కాలనీ రోడ్ నంబర్ 8లో గుంటన్నర స్థలం కొన్నాం. ఆ స్థలంలో ఇల్లు కట్టుకుందామంటే స్థానికులు అడ్డుకుంటున్నారు’ అని చెప్పారు. ఈ విషయంలో జిల్లా ఎస్పీ జోక్యం చేసుకొని తమకు న్యాయం చేయాలని కోరామన్నారు.
Similar News
News July 3, 2024
చండూరు: ఉద్యోగం ఇప్పిస్తానని కౌన్సిలర్ చీటింగ్..
చండూరు మున్సిపల్ కార్యాలయంలో ఉద్యోగం ఇప్పిస్తానని డబ్బులు తీసుకుని ఉద్యోగం ఇప్పించకుండా మోసం చేశారని ఆరోపిస్తూ చండూరుకు చెందిన నర్సింహ మంగళవారం స్థానిక పోలీస్ స్టేషన్లో ఫిర్యాదు చేశాడు. ఓ కౌన్సిలర్.. చండూరు మునిసిపల్ కార్యాలయంలో ఉద్యోగం ఇప్పిస్తానని 2021లో రూ.రెండు లక్షలు తీసుకున్నట్లు ఫిర్యాదులో పేర్కొన్నాడు. విచారణ చేసి చర్యలు తీసుకుంటామని ఎస్సై సురేష్ తెలిపారు.
News July 3, 2024
కొత్త చట్టాలతో బాధితులకు న్యాయం
దేశవ్యాప్తంగా జులై 1నుంచి అమల్లోకి వచ్చిన కొత్త చట్టాల ద్వారా బాధితులకు సత్వర న్యాయం జరుగుతుందని జిల్లా ఎస్పీ శరత్‌చంద్ర పవార్‌ వెల్లడించారు. తొలి రోజు కొత్త చట్టాల కింద జిల్లాలో ఏడు ఎఫ్‌ఐఆర్‌లను నమోదయ్యాయని తెలిపారు. బాధితుడు ఎస్‌ఎంఎస్, వాట్సాప్, ఈ – మెయిల్‌ ఇతర సామాజిక మాధ్యమాలు వేటి ద్వారానైనా ఫిర్యాదు చేయవచ్చన్నారు. బాధితులు కేసుల పురోగతిని ఎప్పటికప్పుడు తెలుసుకోవచ్చని పేర్కొన్నారు.
News July 3, 2024
NLG: రెండు రోజులు స్పెషల్ శానిటేషన్ డ్రైవ్
ప్రభుత్వ కార్యాలయాల పరిశుభ్రతలో భాగంగా జిల్లా వ్యాప్తంగా అన్ని కార్యాలయాలలో బుధ, గురువారాలు రెండు రోజులు స్పెషల్ శానిటేషన్ డ్రైవ్ కార్యక్రమాన్ని చేపట్టాలని జిల్లా కలెక్టర్ సి.నారాయణరెడ్డి జిల్లా అధికారులను ఆదేశించారు. మంగళవారం ఆయన ఈ విషయమై జిల్లా అధికారులతో టెలికాన్ఫరెన్స్ నిర్వహించారు. ఈ సందర్భంగా ఆయన మాట్లాడుతూ ఉద్యోగులు సమయపాలన పాటించాలని ఆదేశించారు.