News June 29, 2024
ఐపీఎల్‌లో హీరో.. వరల్డ్ కప్‌లో జీరో?
టీ20 WCలో దారుణ ప్రదర్శన చేస్తున్న టీమ్ ఇండియా ఆల్‌రౌండర్ శివమ్ దూబేను జట్టు నుంచి తప్పించాలని ఫ్యాన్స్ డిమాండ్ చేస్తున్నారు. ఆయన స్థానంలో ఫైనల్లో యశస్వీ జైస్వాల్ లేదా సంజూ శాంసన్‌లలో ఒకరికి ఛాన్స్ ఇవ్వాలని కోరుతున్నారు. దూబే ఐపీఎల్‌లో హీరో.. వరల్డ్ కప్‌లో జీరో అని ట్రోల్స్ చేస్తున్నారు. ఇతడినేనా యువరాజ్‌తో పోల్చింది అంటూ ఎద్దేవా చేస్తున్నారు. కాగా దూబే T20WCలో 7 మ్యాచులాడి 102 పరుగులే చేశారు.
Similar News
News July 3, 2024
నేడు తెలుగు రాష్ట్రాల్లో మోస్తరు వర్షాలు
తెలుగు రాష్ట్రాల్లో ఇవాళ మోస్తరు నుంచి భారీ వర్షాలు కురిసే అవకాశం ఉన్నట్లు వాతావరణ శాఖ తెలిపింది. ఏపీలో రాయలసీమతో పాటు ఉమ్మడి శ్రీకాకుళం, వైజాగ్, విజయనగరం, తూ.గో., ప.గో., కృష్ణా తదితర జిల్లాల్లో వర్షాలు కురుస్తాయని వెల్లడించింది. తెలంగాణలో ద్రోణి ప్రభావంతో ఇవాళ, రేపు అక్కడక్కడ తేలికపాటి వానలు పడతాయని పేర్కొంది. ఎల్లుండి నుంచి భారీ వర్షాలు కురిసే అవకాశముందని అంచనా వేసింది.
News July 3, 2024
రేపు స్వదేశానికి భారత జట్టు!
హరికేన్ కారణంగా బార్బడోస్‌లోనే చిక్కుకుపోయిన భారత జట్టు మరికొన్ని గంటల్లో స్వదేశానికి బయలుదేరనుంది. ఆటగాళ్లు, సిబ్బంది కోసం BCCI ప్రత్యేక విమానాన్ని ఏర్పాటు చేసినట్లు జాతీయ మీడియా ప్రతినిధులు వెల్లడించారు. వీరితో 20మందికిపైగా మీడియా సిబ్బంది వచ్చేందుకు BCCI సెక్రటరీ జైషా అనుమతించారని చెప్పారు. ఈ క్రమంలో మీడియా వారు ప్రత్యేక ధన్యవాదాలు తెలిపారు. కాగా రేపు ఉదయం కల్లా విమానం ఢిల్లీ చేరే అవకాశముంది.
News July 3, 2024
సరికొత్త రికార్డ్.. సెన్సెక్స్@80,000
దేశీయ స్టాక్ మార్కెట్లు ఆల్ టైమ్ రికార్డులను నమోదు చేశాయి. 560 పాయింట్లకుపైగా లాభపడిన సెన్సెక్స్ తొలిసారిగా 80వేల మార్క్ తాకింది. మరోవైపు నిఫ్టీ 153 పాయింట్లు పెరిగి 24,277 వద్ద ట్రేడవుతోంది. బ్యాంకింగ్ షేర్లు లాభాల్లో దూసుకెళ్లడం మార్కెట్లకు కలిసొచ్చింది. HDFC, యాక్సిస్, ICICI, కోటక్ బ్యాంకుల షేర్లు నిఫ్టీ టాప్ గెయినర్లుగా ఉన్నాయి. ఐటీ మినహా ఇతర ప్రధాన రంగాల షేర్లు లాభాల్లో కొనసాగుతున్నాయి.