News June 29, 2024
పోల’వరం’ అందేదెప్పుడో?
![image](https://d1uy1wopdv0whp.cloudfront.net/newsimages/news_62024/1719625152932-normal-WIFI.webp)
AP: పోలవరం ప్రాజెక్టు పూర్తయ్యేందుకు మరో 3, 4 ఏళ్లు పట్టేలా ఉంది. వరదలతో కీలకమైన డయాఫ్రం వాల్ దెబ్బతింది. అంతేకాదు ఎగువ కాఫర్ డ్యామ్ కింది నుంచి నీరు లీక్ అవుతోందని ఇంజినీర్లు గుర్తించారు. డయాఫ్రం వాల్ సమస్యను పూర్తిగా గుర్తించి, నివేదిక ఇచ్చేందుకు 6 నెలలు.. దాన్ని రిపేర్ చేసేందుకు మరో 2 సీజన్లు పడుతుందని సమాచారం. ఆ తర్వాత దానిపై 45.72 మీటర్ల ఎత్తులో ఎర్త్ కమ్ రాక్ ఫిల్ డ్యామ్ నిర్మించాలి.
Similar News
News July 3, 2024
121కి చేరిన మరణాలు.. భోలే బాబా పరార్
![image](https://d1uy1wopdv0whp.cloudfront.net/newsimages/news_72024/1719979815082-normal-WIFI.webp)
యూపీలోని హాథ్రస్లో జరిగిన తొక్కిసలాటలో మృతుల సంఖ్య 121కి చేరింది. నిన్న 116 మంది మరణించగా చికిత్స పొందుతూ ఈరోజు మరో ఐదుగురు ప్రాణాలు విడిచారు. ఇదిలా ఉంటే అక్కడ ఆధ్యాత్మిక కార్యక్రమం ఏర్పాటు చేసిన భోలే బాబా పరారైనట్లు పోలీసులు వెల్లడించారు. బాబాకు సంబంధించిన రామ్ కుటీర్ ఛారిటబుల్ ట్రస్టులో వెతికినా ఆయన కనిపించలేదని తెలిపారు.
News July 3, 2024
నేడు తెలుగు రాష్ట్రాల్లో మోస్తరు వర్షాలు
![image](https://d1uy1wopdv0whp.cloudfront.net/newsimages/news_62024/1717317777218-normal-WIFI.webp)
తెలుగు రాష్ట్రాల్లో ఇవాళ మోస్తరు నుంచి భారీ వర్షాలు కురిసే అవకాశం ఉన్నట్లు వాతావరణ శాఖ తెలిపింది. ఏపీలో రాయలసీమతో పాటు ఉమ్మడి శ్రీకాకుళం, వైజాగ్, విజయనగరం, తూ.గో., ప.గో., కృష్ణా తదితర జిల్లాల్లో వర్షాలు కురుస్తాయని వెల్లడించింది. తెలంగాణలో ద్రోణి ప్రభావంతో ఇవాళ, రేపు అక్కడక్కడ తేలికపాటి వానలు పడతాయని పేర్కొంది. ఎల్లుండి నుంచి భారీ వర్షాలు కురిసే అవకాశముందని అంచనా వేసింది.
News July 3, 2024
రేపు స్వదేశానికి భారత జట్టు!
![image](https://d1uy1wopdv0whp.cloudfront.net/newsimages/news_72024/1719973229088-normal-WIFI.webp)
హరికేన్ కారణంగా బార్బడోస్లోనే చిక్కుకుపోయిన భారత జట్టు మరికొన్ని గంటల్లో స్వదేశానికి బయలుదేరనుంది. ఆటగాళ్లు, సిబ్బంది కోసం BCCI ప్రత్యేక విమానాన్ని ఏర్పాటు చేసినట్లు జాతీయ మీడియా ప్రతినిధులు వెల్లడించారు. వీరితో 20మందికిపైగా మీడియా సిబ్బంది వచ్చేందుకు BCCI సెక్రటరీ జైషా అనుమతించారని చెప్పారు. ఈ క్రమంలో మీడియా వారు ప్రత్యేక ధన్యవాదాలు తెలిపారు. కాగా రేపు ఉదయం కల్లా విమానం ఢిల్లీ చేరే అవకాశముంది.