News June 30, 2024
అందుకే ఆ సినిమాలు వదులుకున్నా: కమల్ హాసన్
‘రోబో’ సినిమాలో హీరో పాత్రకు ముందుగా తననే ఎంపిక చేసినట్లు హీరో కమల్ హాసన్ చెప్పారు. లుక్ టెస్ట్ కూడా పూర్తైందని, అప్పటి(90ల్లో) మార్కెట్ దృష్ట్యా ఆ సినిమా చేయకపోవడమే మేలని వదులుకున్నట్లు ఓ ఇంటర్వ్యూలో తెలిపారు. శంకర్ మాత్రం సరైన సమయంలో రోబో చిత్రాన్ని తెరకెక్కించి ఘనవిజయాన్ని అందుకున్నాడన్నారు. ‘రోబో 2.o’లో తనకు విలన్గా అవకాశం వచ్చినా తిరస్కరించినట్లు తెలిపారు.
Similar News
News September 20, 2024
కొత్త రేషన్ కార్డులపై రేపే తుది నిర్ణయం!
TG: కొత్త రేషన్ కార్డుల కోసం అక్టోబర్ 2 నుంచి దరఖాస్తులు స్వీకరించాలని సీఎం రేవంత్ అధికారులను ఆదేశించారు. ఈ నేపథ్యంలో మంత్రి ఉత్తమ్ కుమార్ నేతృత్వంలో మంత్రివర్గ ఉపసంఘం రేపు సమావేశం కానుంది. ఈ సమావేశంలో కొత్త రేషన్ కార్డులు, హెల్త్ కార్డుల జారీకి సంబంధించిన విధివిధానాలపై తుదినిర్ణయం తీసుకోనుంది. రైతు భరోసాపైనా ఈ సమావేశంలో నిర్ణయం తీసుకునే అవకాశం ఉంది.
News September 20, 2024
‘రూ.99కే క్వార్టర్ మద్యం’పై స్పష్టత కోరిన కంపెనీలు
AP: నూతన మద్యం పాలసీలో భాగంగా మంచి బ్రాండ్లు క్వార్టర్ రూ.99కే అందిస్తామని ప్రభుత్వం చేసిన ప్రకటనపై గందరగోళం నెలకొంది. ఇది అన్ని బ్రాండ్లకూ ఎలా వర్తిస్తుందని కంపెనీలు ప్రశ్నిస్తున్నాయి. ఈ రేటుకు సరఫరా సాధ్యం కాదంటున్నాయి. అన్ని రకాల మద్యం తక్కువ ధరకే వస్తుందని వినియోగదారులు భావిస్తున్నారని, దీనిపై స్పష్టత ఇవ్వాలని లిక్కర్ సరఫరాదారుల సంఘం అధ్యక్షుడు కామేశ్వరరావు కోరారు.
News September 20, 2024
కాంగ్రెస్కే మొగ్గు.. బీజేపీకి ఎదురుగాలే: కేకే
AP ఎన్నికల ఫలితాలను కచ్చితంగా అంచనా వేసిన ‘కేకే సర్వేస్’ త్వరలో అసెంబ్లీ ఎన్నికలు జరిగే రాష్ట్రాల్లో సర్వే చేసింది. హరియాణాలో INCకే విజయావకాశాలు ఉన్నాయని, BJPకి ఎదురుగాలి వీస్తోందని ఆ సంస్థ MD కిరణ్ కొండేటి తెలిపారు. OCT 5న ఎగ్జిట్ పోల్ ఫలితాలు వెల్లడిస్తామన్నారు. ప్రస్తుతం ఎన్నికలు జరుగుతున్న J&K, త్వరలో ఎలక్షన్స్ జరిగే మహారాష్ట్ర, ఝార్ఖండ్, ఢిల్లీలోనూ కమలం పార్టీకి ఓటమి తప్పదని జోస్యం చెప్పారు.