News July 4, 2024
ఉత్సవాలకు హాజరుకావాలని మంత్రులకు ఆహ్వాన పత్రం అందజేత
ఈనెల 6 నుంచి నిర్వహించే భద్రకాళి అమ్మవారి శాకంబరీ ఉత్సవాలకు హాజరుకావాలని కోరుతూ మంత్రులు పొంగులేటి శ్రీనివాస్ రెడ్డి, కొండా సురేఖలకు ఆలయ అధికారులు, అర్చకులు ఆహ్వానపత్రం అందజేశారు. అనంతరం ఉత్సవాలకు సంబంధించిన పోస్టర్లను మంత్రులు ఆవిష్కరించారు. భక్తులకు ఎలాంటి ఇబ్బందులు లేకుండా ఏర్పాట్లు చేపట్టాలని మంత్రులు అధికారులకు సూచించారు.
Similar News
News October 6, 2024
మహాలక్ష్మి అలంకరణలో భద్రకాళి అమ్మవారు
ఓరుగల్లు ప్రసిద్ధిగాంచిన శ్రీ భద్రకాళి అమ్మవారి ఆలయంలో దేవి శరన్నవరాత్రులు అంగరంగ వైభవంగా నిర్వహిస్తున్నారు. శరన్నవరాత్రుల్లో నాలుగో రోజు ఆదివారం భద్రకాళి అమ్మవారిని మహాలక్ష్మి అవతారంలో ఆలయ అర్చకులు అలంకరించి భక్తులకు దర్శనమిచ్చారు. భక్తులు ఉదయాన్నే ఆలయానికి చేరుకొని ప్రత్యేక అలంకరణలో దర్శనమిస్తున్న అమ్మవారిని దర్శించుకుని మొక్కులు సమర్పించుకున్నారు.
News October 6, 2024
ఉగాండాలో జనగామ జిల్లా వాసి దారుణ హత్య
జనగామ జిల్లా వాసిని ఉగాండాలో హత్య చేసిన ఘటన శుక్రవారం చోటుచేసుకుంది. స్థానికుల ప్రకారం.. పట్టణానికి చెందిన తిరుమలేశ్ ప్రాజెక్ట్ ఇంజినీర్‌గా ఉగాండాలోని ఓ కన్‌స్ట్రక్షన్ కంపెనీలో పని చేస్తున్నారు. అక్కడే పని చేస్తున్న ఓ సెక్యూరిటీ గార్డు తాగిన మైకంలో తిరుమలేశ్‌పై కాల్పులు జరపడంతో ప్రాణాలు వదిలాడు. అనంతరం సెక్యూరిటీ గార్డు తనను తాను కాల్చుకొని మరణించాడు. మృతుడికి భార్య, కుమారుడు, కుమార్తె ఉన్నారు.
News October 6, 2024
జనగామ: అదృష్టం అంటే ఈవిడదే.. పోయిన బంగారం మళ్లీ దొరికింది
పోగొట్టుకున్న బంగారాన్ని ఓ వృద్ధురాలు మళ్లీ పొందగలిగింది. జనగామ జిల్లా స్టేషన్ ఘనపూర్ మండలంలోని సముద్రాల గ్రామానికి చెందిన సోమలక్ష్మి అనే వృద్ధురాలు.. ప్రభుత్వం ఇచ్చిన రాయితీ బియ్యం సంచిలో 5 తులాల బంగారం దాచింది. అయితే గ్రామంలో ఓ వ్యక్తికి ఆబియ్యంను విక్రయించింది. బియ్యం కొనుగోలు చేసిన వ్యక్తి మరుసటి రోజు మళ్లీ రాగా అతనికి విషయం చెప్పింది. బియ్యం సంచుల్లో వెతకడంతో బంగారం దొరికింది.