News July 6, 2024
గూగుల్ మ్యాప్స్కు ప్రత్యామ్నాయంగా ‘ఓలా మ్యాప్స్’
గూగుల్ మ్యాప్స్కు ప్రత్యామ్నాయంగా ‘ఓలా మ్యాప్స్’ తీసుకొస్తున్నట్లు ఆ సంస్థ CEO భావిశ్ అగర్వాల్ ప్రకటించారు. గతంలో మ్యాప్స్ కోసం ఏడాదికి ₹100కోట్లు వెచ్చించేవాళ్లమని, ఇక నుంచి ఆ ఖర్చు ఉండదని చెప్పుకొచ్చారు. ఓలా యాప్ యూజర్లు వెంటనే యాప్ అప్డేట్ చేసుకోవాలని కోరారు. ఈ మ్యాప్స్లో స్ట్రీట్ వ్యూ, ఇండోర్ ఇమేజ్లు, 3D మ్యాప్లు, డ్రోన్ మ్యాప్లు మొదలైన ఫీచర్స్ త్వరలో అందుబాటులోకి తీసుకొస్తామన్నారు.
Similar News
News March 11, 2026
రాష్ట్రంలో మూడో డిస్కం
TG: రాష్ట్రంలో మూడో డిస్కం ఏర్పాటైంది. దీనికి తెలంగాణ రైతు పవర్ డిస్ట్రిబ్యూషన్ కంపెనీ లిమిటెడ్(TGRPDCL)గా పేరు పెడుతూ ప్రభుత్వం GO జారీ చేసింది. CMDగా ముషారఫ్ అలీ ఫరూఖీని, మరో నలుగురు డైరెక్టర్లను నియమించింది. వ్యవసాయం, ఎత్తిపోతల పథకాలు, వాటర్ సప్లై స్కీమ్/మిషన్ భగీరథ, HMWSSB, మున్సిపల్ వాటర్ కనెక్షన్లకు విద్యుత్ సరఫరాను పర్యవేక్షించనుంది. కొత్త వ్యవసాయ కనెక్షన్లను ఇవ్వనుంది.
News March 11, 2026
రైల్వేపై LPG ప్రభావం.. ఫుడ్ డెలివరీలో అంతరాయం!
భారత్లో LPG కొరత రైల్వే వ్యవస్థపైనా ప్రభావం చూపుతోంది. రైళ్లలో భోజన సేవలకు అంతరాయం ఏర్పడే అవకాశం ఉందని రైల్వే వర్గాలు చెబుతున్నాయి. టికెట్ బుకింగ్ సమయంలోనే ఫుడ్ ఆర్డర్ చేసినవారికే ప్రయారిటీ ఇవ్వబోతున్నట్లు సమాచారం. అటు ప్రత్యామ్నాయ వంట పద్ధతులకు మారాలని స్టేషన్లలోని ఫుడ్ ప్లాజాలు, రిఫ్రెష్మెంట్, జన్ ఆహార్ అవుట్లెట్లకు IRCTC లేఖ రాసింది. ఈ సంస్థ రోజుకు 17 లక్షల భోజనాలు డెలివరీ చేస్తోంది.
News March 11, 2026
‘విజయ’ పేరిట కల్తీ నెయ్యి.. పరీక్షిస్తామన్న మంత్రి లోకేశ్
AP విజయ బ్రాండ్ పేరిట విక్రయిస్తున్న నెయ్యిలో కల్తీ జరుగుతోందని TGDDCF ఛైర్మన్ <<19324480>>అమిత్ రెడ్డి<<>> చేసిన ఆరోపణలపై మంత్రి లోకేశ్ స్పందించారు. మార్కెట్ నుంచి రాండమ్ శాంపిల్స్ సేకరించి పరీక్షలు నిర్వహిస్తున్నట్లు చెప్పారు. TGDDCF వద్ద ఉన్న CALF, NDDB టెస్ట్ రిపోర్ట్స్ను కూడా పరిశీలిస్తామన్నారు. క్వాలిటీ, కస్టమర్ల ఆరోగ్యం విషయంలో రాజీ పడబోమని స్పష్టం చేశారు. మేఘనా ఫుడ్స్కు విజయ(AP) ఫ్రాంచైజీ ఇచ్చారు.