News July 8, 2024
తాడేపల్లిగూడెం: మహిళ డెడ్‌బాడీ కలకలం
తాడేపల్లిగూడెం మండలం ఆరుళ్ల ప్రధానరహదారిలో ఓ మహిళ అనుమానాస్పదస్థితిలో మృతిచెంది ఉండడాన్ని స్థానికులు సోమవారం సాయంత్రం గుర్తించారు. పోలీసులకు సమాచారం అందించగా.. వారు ఘటనా స్థలానికి చేరుకున్నారు. మృతురాలు ఆరుగొలను గ్రామానికి చెందిన జనపాముల సత్యవతి (48)గా పోలీసులు గుర్తించారు. ఈమెపై రూరల్ పోలీస్ స్టేషన్లో మిస్సింగ్ కేసు నమోదైంది. ఇంతలోనే సత్యవతి మృతదేహం లభ్యం కావడంతో కుటుంబీకులు రోదిస్తున్నారు.
Similar News
News November 27, 2024
ఓం బిర్లాను కలిసిన RRR
దేశ రాజధాని ఢిల్లీలో లోక్‌సభ స్పీకర్ ఓం బిర్లాను డిప్యూటీ స్పీకర్, ఉండి ఎమ్మెల్యే రఘురామకృష్ణమ రాజు(RRR) మర్యాదపూర్వకంగా కలిశారు. పలు రాజకీయ విషయాలు పంచుకున్నారు. RRR వెంట ఏపీ స్పీకర్ చింతకాయల అయ్యన్న పాత్రుడు ఉన్నారు.
News November 27, 2024
నన్ను కొట్టిన వాళ్లంతా జైలుకు వెళ్తారు: RRR
ఉండి MLA, డిప్యూటీ స్పీకర్ రఘురామకృష్ణమ రాజు(RRR) కీలక వ్యాఖ్యలు చేశారు. ‘గత ప్రభుత్వంలో నాపై కేసు పెట్టారు. విచారణలో భాగంగా కొందరు అధికారులు నన్ను కొట్టారు. ఇప్పుడు వాళ్లంతా జైలుకు వెళ్లడం ఖాయం. సీఐడీ మాజీ ఏఎస్పీ విజయ్‌పాల్ అరెస్ట్‌ను స్వాగతిస్తున్నా. ఈ కేసులో కీలకంగా ఉన్న సీఐడీ మాజీ చీఫ్ సునీల్ విదేశాలకు పారిపోయే అవకాశం ఉంది. ఆయనపై లుక్ అవుట్ నోటీసులు జారీ చేయాలి’ అని RRR కోరారు.
News November 27, 2024
ఉండి యువతికి కీలక ఉద్యోగం
దేశస్థాయిలో ప.గో జిల్లా యువతి సత్తా చాటారు. ఉండి పెదపేటకు చెందిన నిస్సీ ప్లోరా డిగ్రీ BSC చదివారు. తర్వాత ఆమె హార్టికల్చర్ విభాగంలో పీహెచ్‌డీ చేశారు. దేశంలోని 16 కీలక పోస్టులకు 16 వేల మంది పరీక్షలు రాశారు. ఈక్రమంలో నిస్సీ ఫ్లోరా ప్రతిభ చూపి అహ్మదాబాద్‌లోని నేషనల్ హార్టీకల్చర్ డిప్యూటీ డైరెక్టర్‌గా ఎంపికయ్యారు. నిస్సీ తండ్రి ఏసురత్నం రిటైర్డ్ టీచర్. తల్లి వర్జీనియా స్టాఫ్ నర్సుగా పనిచేస్తున్నారు.