News July 11, 2024
హార్దిక్ ఉంటే టెస్టుల్లోనూ మనదే పైచేయి: గవాస్కర్
టెస్ట్ సిరీస్‌లలో ఆడేలా హార్దిక్ పాండ్యను ఒప్పించాలని బీసీసీఐకి మాజీ క్రికెటర్ సునీల్ గవాస్కర్ సూచించారు. ఎలాంటి పిచ్‌పైనైనా రాణించగలిగే హార్దిక్ జట్టులో ఉంటే టెస్టుల్లోనూ మనం అజేయులం అవుతామని అభిప్రాయపడ్డారు. రోజుకు అతను 10 నుంచి 15 ఓవర్లు వేస్తే ప్రత్యర్థిపై పైచేయి సాధించడం కష్టమేమీ కాదని చెప్పారు. కాగా చివరిగా 2018లో టెస్టు మ్యాచ్ ఆడిన హార్దిక్ గాయాల కారణంగా ఆ ఫార్మాట్‌కు దూరంగా ఉంటున్నారు.
Similar News
News January 19, 2025
మా అమ్మకు పద్మ అవార్డు కోసం ఎంతో ప్రయత్నించా: నరేశ్
ఇండియాలో 46 సినిమాలకు దర్శకత్వం వహించిన ఏకైక మహిళ విజయ నిర్మలకు పద్మ అవార్డు రాకపోవడంపై కొడుకు నరేశ్ విచారం వ్యక్తం చేశారు. అమ్మకు పురస్కారం కోసం ఢిల్లీ స్థాయిలో ప్రయత్నించినా ప్రయోజనం లేకపోయిందన్నారు. బీజేపీ వచ్చిన తర్వాత స్థాయి ఉన్న వ్యక్తులకు అవార్డులు ఇస్తున్నారని చెప్పారు. తెలుగు ఇండస్ట్రీలోనూ అలాంటి వారు ఉన్నారని, వారికి పురస్కారాల కోసం నిరాహార దీక్ష చేసినా తప్పులేదని వ్యాఖ్యానించారు.
News January 19, 2025
ఇండో-కొరియన్ హారర్ కామెడీ జోనర్‌లో వరుణ్ కొత్త చిత్రం
‘మట్కా’ డిజాస్టర్ తర్వాత వరుణ్ తేజ్ కొత్త చిత్రాన్ని ప్రకటించారు. మేర్లపాక గాంధీ డైరెక్షన్‌లో తెరకెక్కనున్న ఈ మూవీ ఇండో కొరియన్ హారర్ కామెడీ జోనర్‌లో ఉంటుందని మేకర్స్ తెలిపారు. ఇవాళ వరుణ్ బర్త్‌డే సందర్భంగా ఓ పోస్టర్‌ను విడుదల చేశారు. ‘కదిరి నరసింహసామి సాచ్చిగా ఈ తూరి నవ్వించేకి వస్తుండా’ అని మెగా ప్రిన్స్ సోషల్ మీడియాలో పోస్టు చేశారు. ఈ చిత్రానికి తమన్ మ్యూజిక్ అందిస్తారు.
News January 19, 2025
ట్రైనీ డాక్టర్‌పై హత్యాచారం.. తన కొడుకును ఉరి తీయాలన్న తల్లి
కోల్‌కతా ట్రైనీ డాక్టర్‌పై హత్యాచారం కేసులో సంజయ్ రాయ్‌ను కోర్టు దోషిగా తేల్చడంపై అతని తల్లి మాలతి(70) స్పందించారు. తన కొడుకు చేసిన తప్పును మహిళగా క్షమించబోనని స్పష్టం చేశారు. తనకూ ముగ్గురు కుమార్తెలు ఉన్నారని, వైద్యురాలి తల్లి బాధను అర్థం చేసుకోగలనని పేర్కొన్నారు. అతడికి మరణ శిక్ష విధించినా అభ్యంతరం లేదన్నారు. ఈ కేసుపై సుప్రీంకోర్టుకు వెళ్లే ఉద్దేశం తమకు లేదని సంజయ్ సోదరి కూడా తేల్చిచెప్పారు.