News July 13, 2024
ఫ్యాన్స్ బాధపడొద్దు.. వాళ్లు ఇంకా ఆడతారు: వీవీఎస్ లక్ష్మణ్
టీ20ఐలకు రోహిత్, విరాట్, జడేజా వీడ్కోలు పలకడంపై భారత జట్టు అభిమానులు చాలామంది బాధపడ్డారు. వారికి టీమ్ ఇండియా తాత్కాలిక కోచ్ VVS లక్ష్మణ్ ఉపశమనం కలిగించే మాటలు చెప్పారు. ఆ ముగ్గురూ భారత్‌కు ఇంకా చాలా రోజులు ఆడతారని ఆయన అన్నారు. ‘వన్డే, టెస్టు ఫార్మాట్లలో వారి సేవలు అమూల్యమైనవి. ఆ ఫార్మాట్లలో వాళ్లు కచ్చితంగా దేశానికి మరిన్ని ట్రోఫీలు తెచ్చేందుకు సిద్ధంగా ఉన్నారని అనుకుంటున్నా’ అని పేర్కొన్నారు.
Similar News
News January 21, 2025
ఇంటర్ కాలేజీల్లో మధ్యాహ్న భోజనం
తెలంగాణలో ఇంటర్ కాలేజీల్లో <<15028933>>మధ్యాహ్న భోజన పథకం<<>> అమలుకు రాష్ట్ర ప్రభుత్వం కసరత్తు చేస్తోంది. CM రేవంత్ సూచనలతో ఇంటర్ బోర్డు ప్రతిపాదనలు సిద్ధం చేస్తోంది. ప్రభుత్వం అంగీకారం తెలిపితే 2025-26 విద్యా సంవత్సరం నుంచి మధ్యాహ్న భోజనం విద్యార్థులకు అందించనుంది. రాబోయే బడ్జెట్‌లో ప్రభుత్వం నిధులు కేటాయించే అవకాశం ఉంది. రాష్ట్రంలో 425 ప్రభుత్వ జూనియర్ కాలేజీలు ఉండగా, సుమారుగా 1.75 లక్షల మంది చదువుతున్నారు.
News January 21, 2025
క్రైమ్‌సీన్ రీక్రియేషన్.. సైఫ్ ఇంటికి నిందితుడిని తీసుకొచ్చిన పోలీసులు
యాక్టర్ సైఫ్ అలీఖాన్‌పై దాడి కేసులో పోలీసులు దర్యాప్తును వేగవంతం చేశారు. క్రైమ్‌సీన్ రీక్రియేషన్ కోసం నిందితుడు మహ్మద్ షరీఫుల్‌ను అతడి ఇంటి వద్దకు తీసుకొచ్చారు. క్రైమ్ సీక్వెన్స్‌లో భాగంగా అంతకు ముందే నేషనల్ కాలేజ్ బస్టాప్, బాంద్రా రైల్వే స్టేషన్ సహా మరికొన్ని ప్రాంతాలకు తీసుకెళ్లారు. ఆదివారం పోలీసులు అతడిని థానేలో అరెస్టు చేశారు. సైఫ్‌ను అతడు ఆరుసార్లు కత్తితో పొడవడం తెలిసిందే.
News January 21, 2025
Stock Markets: రేంజుబౌండ్లో కొనసాగొచ్చు..
దేశీయ స్టాక్‌మార్కెట్లు నేడు రేంజుబౌండ్లో చలించొచ్చు. సూచీలు ఊగిసలాడే అవకాశం కనిపిస్తోంది. ఆసియా మార్కెట్ల నుంచి మిశ్రమ సంకేతాలే అందుతున్నాయి. ఆరంభంలో లాభపడిన గిఫ్ట్ నిఫ్టీ తర్వాత నష్టాల్లోకి జారుకుంది. డాలర్ ఇండెక్స్, ట్రెజరీ యీల్డులు బలపడ్డాయి. క్రూడాయిల్ ధరలు స్వల్పంగా తగ్గాయి. USDINR బలహీనత కొనసాగుతోంది. బంగారం ధర పెరిగింది. ఇన్వెస్టర్లు అప్రమత్తంగా ఉండటమే మేలని నిపుణులు సూచిస్తున్నారు.