News July 17, 2024
పీఎం కేర్స్ చిల్డ్రన్ స్కీమ్.. సగం దరఖాస్తులకే గ్రీన్ సిగ్నల్!
పీఎం కేర్స్ చిల్డ్రన్ స్కీమ్‌కు దేశవ్యాప్తంగా 9,331 దరఖాస్తులు రాగా, వాటాలో సగం మాత్రమే ఆమోదం పొందినట్లు అధికార వర్గాలు తెలిపాయి. మిగతావి రిజెక్ట్ అయినట్లు సమాచారం. కోవిడ్ టైంలో పేరెంట్స్‌ను కోల్పోయిన చిన్నారుల కోసం కేంద్రం ఈ పథకాన్ని తెచ్చింది. పిల్లలకు 23 ఏళ్లు వచ్చేసరికి ₹10లక్షల సాయం అందించనుంది. దీంతో పాటు స్కూల్‌కు వెళ్లే పిల్లలకు ₹20వేల స్కాలర్‌షిప్, ఖర్చుల కోసం నెలకు ₹4వేలు ఇవ్వనుంది.
Similar News
News July 6, 2025
స్టాంప్ సవరణ బిల్లుతో ఉపయోగాలివే..
తెలంగాణ స్టాంప్ సవరణ బిల్లు-2025 తేవాలని <<16956370>>ప్రభుత్వం<<>> నిర్ణయించడంపై దీని ఉపయోగాలు ఏంటనే చర్చ మొదలైంది. చట్ట సవరణతో ప్రభుత్వ ఆదాయం పెంచుకోవచ్చని రిజిస్ట్రేషన్ శాఖ అధికారులు చెబుతున్నారు. కార్పొరేట్ సేవల రిజిస్ట్రేషన్ ఫీజులు, స్టాంప్ డ్యూటీని పెంచడం, రియల్ ఎస్టేట్, వాణిజ్య ఒప్పందాలకు చట్టబద్ధత కల్పించడంతో అదనపు ఆదాయం సమకూరుతుంది. నకిలీ స్టాంప్ పేపర్లు, డూప్లికేట్లు, స్కామ్‌లకు అడ్డుకట్ట వేయొచ్చు.
News July 6, 2025
రేపు భారీ వర్షాలు
తెలంగాణలోని పలు జిల్లాల్లో రేపు భారీ వర్షాలు కురిసే ఛాన్స్ ఉందని IMD తెలిపింది. ఆదిలాబాద్, ఆసిఫాబాద్, మంచిర్యాల, భూపాలపల్లి, ములుగు జిల్లాల్లో ఉరుములు, మెరుపులతో కూడిన వానలు పడతాయని పేర్కొంది. ఇవాళ హైదరాబాద్ సహా దాదాపు అన్ని జిల్లాల్లో మోస్తరు వర్షం కురిసే అవకాశం ఉందని వెల్లడించింది. గంటకు 30-40కి.మీ వేగంతో బలమైన ఈదురుగాలులు వీస్తాయని తెలిపింది.
News July 6, 2025
సీజేఐ భవనాన్ని వెంటనే ఖాళీ చేయించండి: SC అడ్మినిస్ట్రేషన్
సుప్రీంకోర్టు అడ్మినిస్ట్రేషన్ కీలక ఆదేశాలు జారీ చేసింది. ఢిల్లీలోని కృష్ణ మీనన్ మార్గ్‌లోని చీఫ్ జస్టిస్ బంగ్లాను వెంటనే ఖాళీ చేయించాలని కేంద్రాన్ని సూచించింది. ప్రస్తుతం అందులో మాజీ సీజేఐ డీవై చంద్రచూడ్ నివాసం ఉంటున్నారు. CJIగా చంద్రచూడ్ 2022 NOV నుంచి 2024 NOV వరకు పనిచేశారు. నిబంధన ప్రకారం రిటైర్మెంట్ తర్వాత 6నెలల వరకే(మే 31) ఆయనకు బంగ్లాలో ఉండటానికి అనుమతి ఉందని గుర్తు చేసింది.