News July 18, 2024
ఇన్స్టాగ్రామ్లో కొత్త ఫీచర్
ఇన్స్టాగ్రామ్లో రీల్స్ కోసం ‘మల్టీ ఆడియో ట్రాక్’ ఫీచర్ అందుబాటులోకి వచ్చింది. దీనిని ఉపయోగించి యూజర్లు ఒకే రీల్కు 20 వరకు ఆడియో ట్రాక్లను యాడ్ చేసుకోవచ్చు. దీనికోసం ముందుగా మీరు యాప్ను లేటెస్ట్ వెర్షన్కు అప్డేట్ చేయాలి. ఆ తర్వాత యాప్లోని వీడియో ఎడిటర్లో ‘Add to mix’ అనే ఆప్షన్ ఎంచుకుని కావాల్సిన ఆడియో ట్రాక్స్ను సెలక్ట్ చేయాలి. ఇలా క్రియేట్ చేసిన ట్రాక్లను ఇతరులు కూడా వాడుకోవచ్చు.
Similar News
News April 6, 2026
రేపటి నుంచే ఎంజీయూ డిగ్రీ పరీక్షలు
ఎంజీయూ పరిధిలో డిగ్రీ సెమిస్టర్ పరీక్షలు ఏప్రిల్ 7 నుంచి ప్రారంభం కానున్నాయని యూనివర్సిటీ అధికారులు తెలిపారు. మే మొదటి వారం వరకు కొనసాగే ఈ పరీక్షలకు ఉమ్మడి జిల్లా వ్యాప్తంగా మొత్తం 20,211 మంది విద్యార్థులు హాజరుకానున్నారని తెలిపారు. ఉదయం (10:00 – 1:00): 2, 4, 6 సెమిస్టర్ల రెగ్యులర్, బ్యాక్లాగ్ విద్యార్థులకు. మ. (2:00 – 5:00): 1, 3, 5 సెమిస్టర్ల బ్యాక్లాగ్ అభ్యర్థులకు పరీక్షలు జరగనున్నాయి.
News April 6, 2026
భూమి నుంచి 4,06,773KM.. ఆర్టెమిస్-2 సరికొత్త చరిత్ర
నాసా చేపట్టిన ‘ఆర్టెమిస్-2’ మిషన్ స్పేస్ రంగంలో సరికొత్త చరిత్ర సృష్టించింది. భూమి నుంచి 4,06,773KM దూరానికి చేరుకొని అత్యంత సుదూర మానవ అంతరిక్ష యాత్రగా నిలిచింది. 1970లో అపోలో-13 మిషన్ కంటే 2,500KM+ అధిక దూరం ప్రయాణించడం విశేషం. మరికొన్ని గంటల్లో వ్యోమగాములు చంద్రుడి సమీపానికి చేరుకొని చుట్టూ పరిభ్రమించనున్నారు.
News April 6, 2026
ఛత్తీస్గఢ్ మాజీ సీఎం కుమారుడికి జీవితఖైదు
హత్య కేసులో ఛత్తీస్గఢ్ మాజీ సీఎం అజిత్ జోగి కుమారుడు, జనతా కాంగ్రెస్ చీఫ్ అమిత్ జోగికి ఆ రాష్ట్ర హైకోర్టు జీవిత ఖైదు విధించింది. గతంలో ఆయనను నిర్దోషిగా ప్రకటిస్తూ ఇచ్చిన తీర్పును రద్దు చేసింది. 2003, జూన్ 4న NCP నాయకుడు విద్యాచరణ్ శుక్లా సన్నిహితుడైన రామావతార్ జగ్గీని పట్టపగలు కాల్చి చంపారు. ఈ కేసులో అమిత్ సహా 31 మందిని పోలీసులు నిందితులుగా పేర్కొన్నారు. తర్వాత పలువురికి కోర్టులో ఊరట లభించింది.