News July 19, 2024

అణు క్షిపణుల్ని మోహరిస్తాం.. రష్యా హెచ్చరిక

జర్మనీలో దీర్ఘ శ్రేణి క్షిపణుల్ని మోహరించాలని నిర్ణయించిన అమెరికాకు రష్యా తీవ్ర హెచ్చరికలు చేసింది. అగ్రరాజ్యం అలా చేస్తే తాము అణు క్షిపణుల్ని రంగంలోకి దించేందుకు ఏమాత్రం వెనుకాడమని తేల్చిచెప్పింది. ‘అది కరెక్టేనని వారు భావిస్తే మేం కూడా స్పందిస్తాం. ఎటువంటి పరిమితులు లేకుండా ఆయుధాలను మోహరించి ప్రతిదాడులు చేస్తాం. మారుతున్న సవాళ్లకు అనుగుణంగా ఇది మాకు తప్పదు’ అని స్పష్టం చేసింది.