News July 19, 2024
అందుకే హార్దిక్‌కు కెప్టెన్సీ ఇవ్వలేదా?
శ్రీలంకతో టీ20 సిరీస్‌కు టీమ్ఇండియా కెప్టెన్‌గా హార్దిక్‌ను నియమించకపోవడం చర్చనీయాంశంగా మారిన సంగతి తెలిసిందే. అనూహ్యంగా సూర్యకు పగ్గాలు అప్పగించడం అందరినీ ఆశ్చర్యానికి గురి చేసింది. అయితే జట్టు ప్లేయర్లలో ఎక్కువ మంది సూర్యవైపే మొగ్గు చూపారట. ఆటగాళ్లకు సూర్య స్వేచ్ఛనివ్వడమే ఆయన ఎంపికకు కారణంగా తెలుస్తోంది. ఫిట్‌నెస్ సమస్యలు హార్దిక్‌కు ప్రతికూలంగా మారాయని క్రికెట్ వర్గాలు పేర్కొన్నాయి.
Similar News
News November 5, 2025
ప్రధాని మోదీని కలిసిన వరల్డ్ కప్ విన్నర్లు
వన్డే వరల్డ్ కప్ గెలిచిన భారత మహిళల జట్టు ప్రధాని నరేంద్ర మోదీని కలిసింది. ఢిల్లీలోని తాజ్ ప్యాలెస్ హోటల్ నుంచి ప్రత్యేక బస్సులో PM నివాసానికి చేరుకుంది. ఈ సందర్భంగా ఒక్కో ప్లేయర్‌ను ప్రత్యేకంగా మోదీ అభినందించారు. తర్వాత వారిని సన్మానించారు. బంగ్లాదేశ్‌తో మ్యాచులో గాయపడిన ప్రతికా రావల్ వీల్‌ఛైర్‌లో రావడం గమనార్హం. అంతకుముందు ముంబై నుంచి ఢిల్లీకి వచ్చిన ప్లేయర్లకు ఘన స్వాగతం లభించింది.
News November 5, 2025
భారత జట్టు ప్రకటన.. పంత్ రీఎంట్రీ
సౌతాఫ్రికాతో టెస్ట్ సిరీస్‌కు BCCI జట్టును ప్రకటించింది. పంత్, అక్షర్ జట్టులోకి వచ్చారు.
✒ టెస్ట్ టీమ్: గిల్(C), పంత్ (VC), జైస్వాల్, రాహుల్, సుదర్శన్, పడిక్కల్, జురెల్, జడేజా, సుందర్, బుమ్రా, అక్షర్, నితీశ్, సిరాజ్, ఆకాశ్, కుల్దీప్
✒ ODI IND-A టీమ్: తిలక్‌(C), రుతురాజ్‌(VC), అభిషేక్‌, పరాగ్‌, ఇషాన్‌, బదోని, నిషాంత్‌, V నిగమ్‌, M సుతార్‌, హర్షిత్‌, అర్ష్‌దీప్‌, ప్రసిద్ధ్, ఖలీల్, ప్రభ్‌సిమ్రాన్
News November 5, 2025
GET READY: మరికాసేపట్లో..
మరికొన్ని నిమిషాల్లో ఆకాశంలో అద్భుతం ఆవిష్కృతం కానుంది. సరిగ్గా సా.6.49 గంటలకు చంద్రుడు భూమికి అతి సమీపంగా వచ్చి కనువిందు చేయనున్నాడు. సాధారణ రోజులతో పోలిస్తే భూమికి దగ్గరగా చంద్రుడు రావడంతో 14% పెద్దగా, 30% అధిక కాంతితో దర్శనమిస్తాడు. దీన్ని బీవర్ సూపర్ మూన్‌గా పిలుస్తారు. ఎలాంటి పరికరాలు లేకుండా ఈ దృశ్యాన్ని వీక్షించడానికి సిద్ధంగా ఉండండి.