News July 19, 2024
భారత్‌లో 10 బ్యాంకులపై ప్రభావం: RBI
సాంకేతిక సమస్యతో మైక్రోసాఫ్ట్ సేవలు స్తంభించిపోవడంతో దేశంలో 10 బ్యాంకులు, ఎన్‌బీఎఫ్‌సీలపై ప్రభావం పడిందని RBI వెల్లడించింది. అయితే అది స్వల్ప అంతరాయమేనని స్పష్టం చేసింది. కొన్ని బ్యాంకులు మాత్రమే క్రౌడ్ స్ట్రయిక్‌ను వినియోగిస్తున్నాయని వివరించింది. కాగా క్రౌడ్ స్ట్రయిక్‌లో లోపం వల్ల ప్రపంచవ్యాప్తంగా మైక్రోసాఫ్ట్ సేవలు గంటల కొద్ది నిలిచిపోయిన విషయం తెలిసిందే.
Similar News
News December 26, 2024
పాక్‌పై యుద్ధానికి 15వేలమంది తాలిబన్లు
తూర్పు అఫ్గానిస్థాన్‌పై పాకిస్థాన్ జరిపిన వైమానిక దాడులకు ప్రతీకారం తీర్చుకుంటామని అక్కడి తాలిబన్ సర్కారు తేల్చిచెప్పింది. కాబూల్ నుంచి పాక్ సరిహద్దుల్లోకి 15వేలమంది తాలిబన్ ఫైటర్లను తరలిస్తున్నట్లు ప్రకటించింది. అఫ్గాన్‌లో తాలిబన్లు అధికారంలోకి వచ్చినప్పటి నుంచి పాక్‌లో వారి అనుబంధ సంస్థ టీటీపీ ఉగ్రదాడులు పెంచింది. ఈ నేపథ్యంలోనే పాక్, అఫ్గాన్ మధ్య సంబంధాలు క్షీణించాయి.
News December 26, 2024
రూ.1,700 కోట్లు దాటిన ‘పుష్ప 2’ కలెక్షన్లు
ఐకాన్ స్టార్ అల్లు అర్జున్ హీరోగా నటించిన ‘పుష్ప 2’ మూవీ బాక్సాఫీస్ వద్ద రికార్డులు కొల్లగొడుతోంది. ఇప్పటివరకు ఈ సినిమా వరల్డ్‌వైడ్‌గా రూ.1,705 కోట్ల కలెక్షన్లు రాబట్టింది. 21 రోజుల్లోనే రూ.1705 కోట్లు సాధించిన తొలి చిత్రంగా నిలిచింది. హిందీలోనే ఈ చిత్రం 700 కోట్లకుపైగా వసూళ్లు రాబట్టింది. ఒక్క ముంబైలోనే రూ.200 కోట్లకుపైగా కలెక్షన్లు చేసింది.
News December 26, 2024
బాక్సింగ్ డే టెస్టుకు రికార్డ్ అటెండెన్స్
భారత్-ఆస్ట్రేలియా మధ్య జరుగుతున్న బాక్సింగ్ డే టెస్టుకు రికార్డు స్థాయిలో ప్రేక్షకులు హాజరయ్యారు. ఈ పోరును ప్రత్యక్షంగా చూసేందుకు తొలి రోజు 87,242 మంది తరలివచ్చారు. భారత్, ఆసీస్ మధ్య జరిగిన టెస్టులో ఒక రోజు ఇంతమంది హాజరుకావడం ఇదే తొలిసారి. కాగా ఈ మ్యాచులో తొలుత బ్యాటింగ్ చేసిన ఆస్ట్రేలియా ఆట ముగిసే సమయానికి 311/6 పరుగులు చేసింది.