News July 21, 2024
‘మురారి’ ఫ్లాప్ అంటూ ట్వీట్.. స్పందించిన కృష్ణవంశీ
మహేశ్ ‘మురారి’ ఫ్లాప్ అంటూ ఓ వెబ్‌సైట్‌కు చెందిన ట్విటర్ హ్యాండిల్ చేసిన ట్వీట్‌పై ఆ సినిమా దర్శకుడు కృష్ణవంశీ స్పందించారు. ‘నేను మురారి ‘తూర్పుగోదావరి’ హక్కుల్ని నిర్మాత వద్ద రూ.55లక్షలకు కొన్నాను. రూ.1.30కోట్లు వచ్చాయి. సక్సెస్‌కు లాభాలే కొలమానమైతే ఆ సినిమా హిట్టో కాదో మీరే డిసైడ్ చేయండి’ అని పేర్కొన్నారు. రిప్లై ఇంకొంచెం ఘాటుగా ఇవ్వాల్సిందంటూ ఓ అభిమాని కోరగా తప్పని కృష్ణవంశీ వారించారు.
Similar News
News January 24, 2025
భార్యను ముక్కలుగా నరికిన ఘటన.. కీలక ఆధారాలు లభ్యం
హైదరాబాద్ మీర్‌పేట్‌లో భార్యను కిరాతకంగా నరికి <<15241806>>ముక్కలు ఉడికించిన <<>>కేసులో పోలీసులు కీలక ఆధారాలు గుర్తించారు. శరీర భాగాలను కాల్చిన ఆనవాళ్లను సేకరించారు. వాటి DNA శాంపిల్స్ తీసుకున్న పోలీసులు పిల్లల DNAతో టెస్ట్ చేయనున్నారు. భార్య మాధవి హత్యకు గురుమూర్తి ఉపయోగించిన పలు వస్తువులను సైతం పోలీసులు స్వాధీనం చేసుకున్నారు. ఇంట్లో శుభ్రం చేసిన రక్తపు మరకలను ఇన్‌ఫ్రారెడ్ ద్వారా గుర్తించారు.
News January 24, 2025
కేబుల్ ఆపరేటర్లకు రూ.100 కోట్ల పెనాల్టీ రద్దు
AP: కేబుల్ ఆపరేటర్లపై విధించిన రూ.100 కోట్ల పెనాల్టీలను రద్దు చేస్తున్నట్లు ఫైబర్‌నెట్ ఛైర్మన్ GV రెడ్డి ప్రకటించారు. సెట్‌టాప్ బాక్స్ అద్దె కింద ఆపరేటర్ల నుంచి ప్రతి కనెక్షన్‌కు నెలకు రూ.59 చొప్పున ఇకపై వసూలు చేయబోమన్నారు. ఫైబర్ నెట్ ప్లాన్లను సవరించి తక్కువ ధరకు సేవలు అందించేలా చర్యలు చేపడతామన్నారు. అటు తిరుమల కొండపై అన్ని ఆఫీసులు, షాపులు, ఇళ్లకు ఉచితంగా ఫైబర్ నెట్ కనెక్షన్లు ఇస్తామన్నారు.
News January 24, 2025
కీలక స్థాయి వద్దకు BITCOIN
క్రిప్టో కరెన్సీ మార్కెట్ గత 24 గంటల్లో మోస్తరుగా పుంజుకుంది. మొత్తం మార్కెట్ విలువ $3.55Tకి చేరుకుంది. బిట్‌కాయిన్ నేడు $750 నష్టంతో $1,03,179 వద్ద కొనసాగుతోంది. దీనికిది కీలక స్థాయి. నిన్న $1,06,850 నుంచి $1,01,262 మధ్య చలించింది. అంటే $6000 మేర ఊగిసలాడింది. డామినెన్స్ 57.7%గా ఉంది. 1.73% లాభపడిన ఎథీరియం $3,290 వద్ద ట్రేడవుతోంది. XRP 2.42, SOL 0.41, DOGE 2.68, BNB 1.50, AVAX 3.77% ఎరుపెక్కాయి.