News July 21, 2024
HYD: ఐటీ కంపెనీలకు ఆర్టీసీ అద్దె బస్సులు
HYD నగరంలోని కొండాపూర్, రాయదుర్గం, మాదాపూర్, గచ్చిబౌలి, ఫైనాన్షియల్ డిస్ట్రిక్ట్, ఐటీ కారిడార్ ప్రాంతాల్లో నిత్యం సుమారు 20 వేల మంది ఉద్యోగులు కార్లలో ప్రయాణిస్తుంటారు. దీంతో ఐటీ కారిడార్లో ట్రాఫిక్ సమస్య రోజుకు రోజుకు పెరుగుతోంది. ట్రాఫిక్ తగ్గించేందుకు పలు ఐటీ కంపెనీలకు ఆర్టీసీ బస్సులను అద్దెకు ఇచ్చేందుకు ఆర్టీసీ సంస్థ నుంచి ప్రత్యేకంగా ఏర్పాట్లు చేస్తామని ఎండీ సజ్జనార్ హామీ ఇచ్చారు.
Similar News
News November 28, 2024
HYD: 26 వేల టీచర్‌ పోస్టులు భర్తీ చేయాలి: ఆర్.కృష్ణయ్య
వచ్చే డీఎస్సీలో 26 వేల ఉపాధ్యాయ పోస్టులు భర్తీ చేయాలని జాతీయ బీసీ సంక్షేమ సంఘం అధ్యక్షుడు ఆర్.కృష్ణయ్య డిమాండ్‌ చేశారు. దిల్‌సుఖ్‌నగర్‌లో జరిగిన నిరుద్యోగుల సభలో మాట్లాడుతూ.. విద్యాశాఖ అధికారులు టీచర్‌ పోస్టుల సంఖ్యను తక్కువ చేసి చూపిస్తున్నారని ఆరోపించారు. ఏ పాఠశాలకు వెళ్లినా టీచర్ల కొరత ఉందన్నారు. ఎయిడెడ్‌ పాఠశాలలో 6 వేలకుపైగా పోస్టులు ఖాళీగా ఉన్నా వాటి భర్తీకి నోటిఫికేషన్‌ ఇవ్వటం లేదన్నారు.
News November 28, 2024
HYD: జాతీయ రహదారులపై మంత్రి కోమటిరెడ్డి సమావేశం
భువనగిరి పార్లమెంట్ పరిధిలోని జాతీయ రహదారుల అభివృద్ధిపై కీలక సమావేశం నిర్వహించారు. ఈ కార్యక్రమంలో రాష్ట్ర రోడ్లు, భవనాల మంత్రి కోమటిరెడ్డి వెంకటరెడ్డి, భువనగిరి MP చామల కిరణ్ కుమార్ రెడ్డి, R&B ఛైర్మన్ మల్‌రెడ్డి రాంరెడ్డి పాల్గొన్నారు. అధికారులతో కలిసి వారు భువనగిరి పరిధిలోని రహదారుల అభివృద్ధి, మరమ్మతులపై చర్చించారు. జాతీయ రహదారుల అభివృద్ధిపై అధికారులు ప్రత్యేక దృష్టి పెట్టాలని సూచించారు.
News November 28, 2024
HYD: వర్ణ వివక్షతపై ఫులే అలుపెరగని పోరాటం చేశారు: KTR
మహాత్మా జ్యోతిబా ఫులే వర్ధంతి సందర్భంగా తెలంగాణ భవన్‌లో ఆ మహానీయుడి చిత్రపటానికి బీఆర్ఎస్ వర్కింగ్ ప్రెసిడెంట్ కేటీఆర్ నివాళులర్పించారు. అనంతరం మాట్లాడుతూ.. వర్ణ వివక్షతను రూపుమాపడం కోసం, దళిత, బహుజన, మహిళా వర్గాల అభ్యున్నతి కోసం, మహాత్మా ఫులే కార్యాచరణ మహోన్నతమైనదని అన్నారు. కార్యక్రమంలో బీఆర్ఎస్ ఎమ్మెల్యేలు, మాజీ మంత్రులు, ఇతర సీనియర్ నేతలు పాల్గొన్నారు.